1973 മുതൽ കലാ സാംസ്കാരിക കായിക രംഗത്ത് നിറസാന്നിധ്യമായിരുന്ന കൊയിലാണ്ടി കൊല്ലം അംബ തിയറ്റേഴ്സിന് സമീപകാലത്ത് ഉണ്ടായ നിർജീവമായ അവസ്ഥയിൽ മനംനൊന്ത പഴയ കാല പ്രവർത്തകരിൽ ചിലർ സമിതി ഊർജസ്വലമാക്കുന്നതിന് വേണ്ടി ഒത്തുകൂടി ഒരു അഡ്ഹോക്ക് കമ്മിറ്റി രൂപീകരിക്കുകയും ഡിസംബർ ഒന്നാം തിയ്യതി വിപുലമായ പൊതുജനപങ്കാളിത്തത്തോടെ കൊല്ലം അളകയിൽ വെച്ച് യോഗം ചേരുകയും ചെയ്തു. ചടങ്ങിൽ ചെയർമാൻ പുന്നം കണ്ടി ഇ മോഹനൻ അദ്ധ്യക്ഷത വഹിച്ചു.
പഴയകാല നാടക പ്രവർത്തകനും രചയിതാവും സംവിധായകനുമായ മേപ്പയിൽ ബാലകൃഷ്ണൻ ഉദ്ഘാടനം നിർവ്വഹിച്ചു. തുടർന്ന് പ്രശസ്ത നാടക പ്രവർത്തകൻ ഉമേഷ് കൊല്ലം,വൈസ് ചെയർമാൻ കണ്ണാടിക്കൽ ശശി വൈദ്യർ, ഊർമ്മിള ടീച്ചർ, ട്രഷറർ ബാലൻ പത്താലത്ത്, ദാമോദരൻ കുനിയിൽ, കുറുവങ്ങാട് ശ്രീധരൻ, ഇഎസ് രാജൻ, റിട്ട. DDE
ഉണ്ണികൃഷ്ണൻ പി ടി, എം കെ ശശി കൊയിലാണ്ടി (മീഡിയ കോർഡിനേറ്റർ) തുടങ്ങിയവർ ആശംസ നേർന്ന് സംസാരിച്ചു. തുടർന്ന് ഭാവി പ്രവർത്തനങ്ങളെ കുറിച്ച് പങ്കെടുത്തവരിൽ നിന്നും അഭിപ്രായങ്ങൾ സ്വരൂപിക്കുകയും പ്രവർത്തനങ്ങൾക്ക് എല്ലാവരും കൂട്ടായി ഉണ്ടാകുമെന്നും യോഗം തീരുമാനിച്ചു. പഴയ കാല നാടക പ്രവർത്തകൻ KM ബാലകൃഷ്ണൻ സ്വാഗതം പറഞ്ഞു.
