കൊയിലാണ്ടി ഏളാട്ടേരിയിൽ 14 വയസ്സുകാരൻ മുങ്ങി മരിച്ചു

കൊയിലാണ്ടി: അഛനും സഹോദരിക്കുമൊപ്പം കുളിക്കാനിറങ്ങിയ ബാലൻ മുങ്ങി മരിച്ചു.  എളാട്ടേരി മീറങ്ങാട്ട് സുകേഷ് കുമാറിൻ്റെയും ജോഷിബയുടെയും മകൻ ആൽവിൻ കൃഷ്ണ (14 ) ആണ് മേലൂർ കൊണ്ടം വള്ളി ക്ഷേത്രകുളത്തിൽ മുങ്ങി മരിച്ചത്. തിരുവങ്ങൂർ എച്ച്.എസ്.എസ്.ലെ വിദ്യാർത്ഥിയാണ്. ഇന്ന് വൈകീട്ട് അഛനും, സഹോദരിയോടൊപ്പം കുളിക്കാനെത്തിയതായിരുന്നു. ശബരിമലക്ക് പോകാൻ വൃതമെടുത്തതായിരുന്നു.

കുളിക്കുന്നതിനിടയിൽ കാണാതായതിനെ തുടർന്ന് ഒപ്പമുള്ളവരും നാട്ടുകാരും ചേർന്ന് തിരഞ്ഞ് ആൽവിനെ മുങ്ങിയെടുത്ത് താലൂക്ക് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. മൃതദേഹം പോസ്റ്റ്മോർട്ടത്തിനായി മെഡിക്കൽ കോളജിലെക്ക് മാറ്റി. സഹോദരി ലാവണ്യ.