തലശ്ശേരിയിൽ സിപിഐ എം പ്രവർത്തകനെ ആർഎസ്‌എസുകാർ വെട്ടിക്കൊന്നു
കണ്ണൂർ: തലശ്ശേരിയിൽ സിപിഐ എം പ്രവർത്തകനെ ആർഎസ്‌എസുകാർ വെട്ടിക്കൊന്നു. ന്യൂമാഹിക്കടുത്ത്‌ മത്സ്യത്തൊഴിലാളിയായ പുന്നോൽ ഹരിദാസാണ്‌ കൊല്ലപ്പെട്ടത്‌. പുലർച്ചെ ഒന്നരയോടെ ജോലി കഴിഞ്ഞ്‌ മടങ്ങുമ്പോഴാണ്‌ ആക്രമണമുണ്ടായത്‌. ബന്ധുക്കളുടെ മുന്നിൽ വെച്ചാണ്‌ ഹരിദാസിനെ ആക്രമിച്ചത്‌. ശരീരമാസകലം ആഴത്തിലുള്ള നിരവധി മുറിവുകളുണ്ട്‌. ഇടതുകാൽ വെട്ടിമാറ്റിയ നിലയിലാണ്‌.
മൃതദേഹം പരിയാരം മെഡിക്കൽ കോളേജ്‌ ആശുപത്രിയിലേക്ക്‌ മാറ്റി. കൊലപാതകം ആർഎസ്‌എസ്‌ നേതൃത്വത്തിന്റെ അറിവോടെയാണെന്ന്‌ സിപിഐ എം കണ്ണൂർ ജില്ലാ സെക്രട്ടറി എം വി ജയരാജൻ പ്രതികരിച്ചു. കൃത്യമായ ആസൂത്രണത്തോടെയാണ്‌ കൊലനടത്തിയത്‌. അരം കൊല നടത്തിയ പ്രതികൾക്കെതിരെ കർശന നടപടിവേണമെന്നും ആവശ്യപ്പെട്ടു.
