കരിപ്പൂർ വിമാനത്താവളംവഴി കടത്താൻ ശ്രമിച്ച 1.76 കോടിയുടെ കള്ളക്കടത്ത് വസ്തുക്കൾ പിടികൂടി
കരിപ്പൂർ വിമാനത്താവളംവഴി കടത്താൻ ശ്രമിച്ച 1.76 കോടിയുടെ കള്ളക്കടത്ത് വസ്തുക്കൾ എയർ കസ്റ്റംസ് ഇന്റലിജൻസ് വിഭാഗം പിടികൂടി. 1.67 കോടിയുടെ സ്വർണവും 3.6 ലക്ഷത്തിന്റെ സിഗരറ്റുകളുമാണ് കണ്ടെടുത്തത്. ദുബായിൽനിന്നെത്തിയ കണ്ണൂർ സ്വദേശിനി ശരീരത്തിൽ ഒളിപ്പിച്ചുകടത്തിയ 1169 ഗ്രാം സ്വർണമാണ് കണ്ടെടുത്തത്. ഇതിന് 80.78 ലക്ഷം രൂപ വിലവരും.
റാസൽഖൈമയിൽനിന്നെത്തിയ മലപ്പുറം സ്വദേശി ശരീരത്തിൽ ഒളിപ്പിച്ച 789 ഗ്രാം സ്വർണം കണ്ടെടുത്തു. ഇതിന് 54.56 ലക്ഷം രൂപ വിലവരും. ദോഹയിൽനിന്നെത്തിയ താമരശേരി സ്വദേശി വസ്‌ത്രങ്ങളിൽ പേസ്റ്റ് രൂപത്തിൽ തേച്ച് കടത്തിയ 225 ഗ്രാം സ്വർണം കണ്ടെടുത്തു. ഇതിന് 16 ലക്ഷം രൂപ വില വരും.
കാസർകോട് സ്വദേശി പച്ചക്കറി മുറിക്കുന്ന ഉപകരണത്തിൽ ഡിസ്ക് രൂപത്തിൽ ഒളിപ്പിച്ചു കടത്തിയ 232 ഗ്രാം സ്വർണവും കണ്ടെടുത്തു. ഇതിന് 16 ലക്ഷം രൂപ വിലവരും. കാസർകോട് സ്വദേശി ബാഗേജിൽ ഒളിപ്പിച്ച് കടത്തിയ 3000 കൂട് സിഗരറ്റും കണ്ടെടുത്തു. ഇതിന് 36 ലക്ഷം രൂപ വിലവരും.
