സ്കൂള്‍ കലോത്സവത്തിന്‍റെ നാടന്‍പാട്ട് വേദിയില്‍ വിദ്യാര്‍ത്ഥികളുടെ പ്രതിഷേധം
ആലപ്പുഴ: സംസ്ഥാന സ്കൂള്‍ കലോത്സവത്തിന്‍റെ നാടന്‍പാട്ട് വേദിയില്‍ വിദ്യാര്‍ത്ഥികളുടെ പ്രതിഷേധം. വേദിയില്‍ തിരശീല ഇല്ലാത്തതാണ് പ്രതിഷേധത്തിന് കാരണം. പ്രതിഷേധനത്തെ തുടര്‍ന്ന് നാടന്‍പാട്ട് മത്സരങ്ങള്‍ വൈകി.
ഒമ്ബത് മണിക്ക് തുടങ്ങേണ്ട നാടന്‍പാട്ട് മത്സരം 11 മണി കഴിഞ്ഞിട്ടും തുടങ്ങിയിരുന്നില്ല. വേദിയില്‍ കര്‍ട്ടന്‍ ഇല്ലാത്തതിനാല്‍ മത്സരം നടത്താനാകില്ലെന്ന് രക്ഷിതാക്കളും മത്സരാര്‍ത്ഥികളും അറിയിച്ചിരുന്നു. എന്നാല്‍ മത്സരം നടത്തുമെന്ന തീരുമാനവുമായി അധികൃതര്‍ മുന്നോട്ട് പോയതോടെ ചെറിയ സംഘര്‍ഷവുമുണ്ടായി. പിന്നീട്, പ്രതിഷേധക്കാരുടെ ആവശ്യപ്രകാരം വേദിയില്‍ തിരശീലയിടാന്‍ അധികൃതര്‍ തയ്യാറായി.
