സുനില്‍ അറോറ മുഖ്യ തെരഞ്ഞെടുപ്പ് കമ്മീഷണറായി ചുമതലയേല്‍ക്കും
ഡല്‍ഹി: സുനില്‍ അറോറ പുതിയ മുഖ്യ തെരഞ്ഞെടുപ്പ് കമ്മിഷണറായി അടുത്ത മാസം രണ്ടിന് ചുമതലയേല്‍ക്കും.നിലവിലെ മുഖ്യതിരഞ്ഞെടുപ്പ് കമ്മീഷണര്‍ ഓം പ്രകാശ് റാവത്ത് വിരമിക്കുന്ന ഒഴിവിലാണ് നിയമനം. തിങ്കളാഴ്ച രാത്രിയാണ് രാഷ്ട്രപതി രാംനാഥ് കോവിന്ദ് ഇതുസംബന്ധിച്ച ഉത്തരവിറക്കിയത്.
രാജസ്ഥാന്‍ കേഡറിലുള്ള ഉദ്യോഗസ്ഥനായ അറോറ നിലവില്‍ തെരഞ്ഞെടുപ്പ് കമ്മിഷണറാണ്. വാര്‍ത്താവിനിമയ സംപ്രേഷണ വിഭാഗം സെക്രട്ടറി അടക്കം വിവിധ ചുമതലകള്‍ നേരത്തേ അറോറ വഹിച്ചിട്ടുണ്ട്. 2005 2008 കാലത്ത് രാജസ്ഥാന്‍ മുഖ്യമന്ത്രിയുടെ പ്രിന്‍സിപ്പല്‍ സെക്രട്ടറിയായിരുന്നു.
