സംസ്ഥാനത്ത് മണ്ണെണ്ണയ്ക്ക് വില വര്‍ദ്ധിപ്പിച്ചു
തിരുവനന്തപുരം: സംസ്ഥാനത്ത് മണ്ണെണ്ണയ്ക്ക് വില വര്‍ദ്ധിപ്പിച്ചു. ഒന്നേമുക്കാല്‍ രൂപയിലേറെയാണ് സിവില്‍ സപ്ലെസ് വകുപ്പ് വര്‍ദ്ധിപ്പിച്ചിരിക്കുന്നത്. കേന്ദ്ര സര്‍ക്കാര്‍ ലിറ്ററിന് 24 പൈസ് വര്‍ദ്ധിപ്പിപ്പ സാഹചര്യം മുതലെടുത്താണ് ചട്ടങ്ങള്‍ മറികടന്ന് വില വര്‍ദ്ധിപ്പിച്ചതെന്ന് റേഷന്‍ ഡീലേഴ്സ് അസോസിയേഷന്‍ ആരോപിക്കുന്നു.
ലിറ്ററിന് 17 രൂപയില്‍ താഴെയായിരുന്ന മണ്ണെണ്ണ വില സംസ്ഥാനത്ത് 18 രൂപയാക്കി ഏകീകരിച്ചാണ് സിവില്‍ സപ്ലൈസ് ഡയറക്ടര്‍ ഉത്തരവിറക്കിയത്.
