വർഗ്ഗീയ ഫാസിസത്തിനെതിരെ സാംസ്‌ക്കാരിക പ്രതിരോധം തീർത്ത് വിയ്യൂർ വായനശാല
കൊയിലാണ്ടി: രാജ്യത്ത് ഭയാനകമാംവിധത്തിൽ വളർന്ന് വരുന്ന വർഗ്ഗീയ ഫാസിസത്തിനെതിരെ വിയ്യൂർ വായനശാലയുടെ നേതൃത്വത്തിൽ സാംസ്‌ക്കാരിക പ്രതിരോധം സംഘടിപ്പിച്ചു. വായലശാല പരിസരത്ത് നടന്ന പരിപാടി ഇടത് ചിന്തകനും വാക്മിയുമായ കെ. ഇ. എൻ കുഞ്ഞമ്മദ്‌ ഉദ്ഘാടനം ചെയ്തു. ഗൗരി ലങ്കേഷ് നഗറിൽ നടന്ന ചടങ്ങിൽ ജില്ലാ ലൈബ്രറി കൗൺസിൽ ജോയിന്റ് സെക്രട്ടറി കെ. ദാമദരൻ അദ്ധ്യക്ഷതവഹിച്ചു. സി. പി. ഐ. (എം) കൊയിലാണ്ടി ഏരിയാ കമ്മിറ്റി അംഗം കന്മന ശ്രീധരൻ മാസ്റ്റർ മുഖ്യ പ്രഭാഷണം നടത്തി. പരിപാടിയോടനുബന്ധിച്ച് സംഘടിപ്പിച്ച ഗാന്ധിജയന്തി ക്വിസ് മത്സരത്തിൽ വിജയികളായവരെ അനുമോദിച്ചു.
ചടങ്ങിൽ നഗരസഭാ കൗൺസിലർ ചൊളോടത്ത് ബാലൻ നായർ, വായനശാല മുൻ സെക്രട്ടറി വി. പി. ഗംഗാധരൻ മാസ്റ്റർ, എം. പത്മനാഭൻ എന്നിവർ സമ്മാനദാനം നിർവ്വഹിച്ചു. മുൻ നഗരസഭാ കൗൺസിലർ പി. ടി. സുരേഷ്, സ്വാഗതവും സെക്രട്ടറി ആർ. കെ. പ്രഭുണ നന്ദിയും പറഞ്ഞു.
തുടർന്ന് വേദിയിൽ ‘പൊൻകതിർ’ വയനാട് മുപ്പതോളം കാലാകാരന്മാർ അണിനിരത്തി അവതരിപ്പിച്ച ഗോത്ര – നൃത്ത സംഗീതാവിഷ്‌കാരം ‘തുടിതാളം’ അവതരിപ്പിച്ചപ്പോൾ ആസ്വാദകർക്ക് വേറിട്ട അനുഭവമായി മാറി.
