വൈദ്യുതി ഉപഭോഗം കുറയ്ക്കുമോ? വിലപ്പെട്ട സമ്മാനങ്ങളുമായി KSEB
തിരുവനന്തപുരം: വൈദ്യുതി ഉപഭോഗം കുറയ്ക്കുമോ? വിലപ്പെട്ട സമ്മാനങ്ങളുമായി KSEB. വേനല്‍ക്കാലത്ത് വൈദ്യുതി ഉപഭോഗം ഗണ്യമായി കുറയ്ക്കാന്‍ സമ്മാന പദ്ധതിയുമായി സംസ്ഥാന വൈദ്യുതി ബോര്‍ഡ്. ചൂടുകാലങ്ങളില്‍ കേരളത്തില്‍ പൊതുവെ ഉയര്‍ന്ന തോതില്‍ വൈദ്യുതി ഉപഭോഗം നടക്കാറുണ്ട്. ഇക്കാരണത്താല്‍ വൈദ്യുതിയുടെ ലഭ്യതയില്‍ കുറവും അനുഭവപ്പെടാറുണ്ട്. ഇത് കണക്കിലെടുത്തുകൊണ്ടാണ് കെ എസ് ഇ ബിയുടെ പുതിയ പദ്ധതി. വിജയികള്‍ക്ക് വിലപ്പെട്ട സമ്മാനങ്ങളും കരസ്ഥമാക്കാം. കെ എസ് ഇ ബി തങ്ങളുടെ ഔദ്യോഗിക ഫേസ്ബുക്ക് പേജിലൂടെയാണ് ഇക്കാര്യം അറിയിച്ചത്.
ഫേസ്ബുക്ക് പേജിന്റെ പൂര്‍ണരൂപം
ഊര്‍ജ്ജം കരുതി വയ്ക്കാം നാളേയ്ക്ക്
വേനല്‍ക്കാലങ്ങളില്‍ വൈദ്യുതി ഉപഭോഗം കുറയ്ക്കുന്ന ഉപഭോക്താക്കള്‍ക്കുള്ള സമ്മാന പദ്ധിതി.ഗാര്‍ഹിക, വ്യാവസായിക ഉപഭോക്താക്കള്‍ക്ക് പങ്കെടുക്കാം. ഗാര്‍ഹിക ഉപഭോക്താക്കള്‍ക്ക് എല്‍ ഇ ഡി ട്യൂബ് ലൈറ്റുകളും വ്യാവസായിക ഉപഭോക്താക്കള്‍ക്ക് ഊര്‍ജ്ജ സംരക്ഷണ അവാര്‍ഡുമായിരിക്കും സമ്മാനം.
