വായനാവാരം: പന്തലായനി ബ്ലോക്ക് ലൈബ്രറിക്ക് പുസ്തകം കൈമാറി
കാപ്പാട് : പന്തലായനി ബ്ലോക്ക് പഞ്ചായത്ത് ലൈബ്രറിക്ക് പുസ്തകം കൈമാറി. കാൻഫെഡ് കോഴിക്കോട് ജില്ലാ കമ്മിറ്റിയും കാപ്പാട് ബ്ലോക്ക് ഡിവിഷൻ കൗൺസിലും ഇലാഹിയ ഹയർ സെക്കണ്ടറി സ്കൂളും സംയുക്തമായി ഇലാഹിയ സ്കൂളിൽ സംഘടിപ്പിച്ച വായനാ വാരം പരിപാടിയിൽ പന്തലായനി ബ്ലോക്ക് പഞ്ചായത്ത് ലൈബ്രറിക്ക് കാപ്പാട് ബ്ലോക്ക് വികസന സമിതി സമാഹരിച്ച പുസ്തകങ്ങൾ ചേമഞ്ചേരി ഗ്രാമ പഞ്ചായത്ത് ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ വി കെ ഹാരിസിൽ നിന്നും ബ്ലോക്ക്പഞ്ചായത്ത്‌ പ്രസിഡണ്ട് ഏറ്റുവാങ്ങി.
പന്തലായനി ബ്ലോക്ക് പഞ്ചായത്ത് പ്രസിഡണ്ട് പി ബാബുരാജ് ഉദ്ഘാടനം ചെയ്തു. കാൻഫെഡ് കോഴിക്കോട് ജില്ല പ്രസിഡണ്ട് കെ.പി.യു. അലി അദ്ധ്യക്ഷത വഹിച്ചു. അഡ്വ. ഉമ്മർ പുതിയോട്ടിൽ മുഖ്യപ്രഭാഷണം നടത്തി. ഗ്രാമ പഞ്ചായത്ത്മെമ്പറും തിരുവങ്ങൂർ യു പി സ്കൂൾ അധ്യാപകനുമായ ഷരീഫ് മാസ്റ്റർ രചിച്ച ഓർമകളുടെ മഴവിൽ ഭൂപടം എന്ന പുസ്തകം ലൈബ്രറിക്കു നൽകി റാബിയ അഹമ്മദ് (എച്ച് എം ഇലാഹിയ എച്ച് എസ് എസ്), ഷരീഫ് മാസ്റ്റർ ഗ്രാമ പഞ്ചായത്ത് മെമ്പർ തുടങ്ങിയവർ സംസാരിച്ചു. ബ്ലോക്ക് പഞ്ചായത്ത് മെമ്പർ എം.പി മൊയ്തീൻ കോയ സ്വാഗതവും പി.കെ മുനീർ നന്ദിയും പറഞ്ഞു.
