വാട്‌സ്‌ആപ്പ് ഗ്രൂപ്പില്‍ അശ്ലീല ചിത്രങ്ങള്‍ പ്രചരിപ്പിച്ച മൂന്നു പേര്‍ അറസ്റ്റില്‍
കോട്ടയം: വാട്‌സ്‌ആപ്പ് ഗ്രൂപ്പ് രൂപീകരിച്ച്‌ കുട്ടികളുടെ അശ്ലീല ചിത്രങ്ങള്‍ പ്രചരിപ്പിച്ച സംഭവവുമായി ബന്ധപ്പെട്ട് മൂന്നു പേര്‍ അറസ്റ്റില്‍. പ്രമുഖ സിനിമാ നടി നല്‍കിയ പരാതിയുടെ അടിസ്ഥാനത്തിലാണ് നടപടി.
സംഭവം ഇങ്ങനെ: നടിയുടെ പരാതിയില്‍ രണ്ടാഴ്ച മുന്‍പ് തിരുവനന്തപുരം സ്വദേശിയെ അറസ്റ്റ് ചെയ്തിരുന്നു. ഇയാളില്‍ നിന്നു ലഭിച്ച വിവരത്തിന്റെ അടിസ്ഥാനത്തിലാണ് പൊലീസ് കുമരകം സ്വദേശികളായ മൂന്നു പേരെ അറസ്റ്റ് ചെയ്തത്. ഈസ്റ്റ് സി.ഐ സാജു വര്‍ഗീസാണ് കേസ് അന്വേഷിക്കുന്നത്.
