മൂന്നാമത്തെ എയ്റോ ബ്രിഡ്ജും കണ്ണൂരിലേക്ക് പുറപ്പെട്ടു

കൊയിലാണ്ടി: കണ്ണൂർ വിമാനതാവളത്തിലേക്കുള്ള മൂന്നാമത്തെ എയ്റോബ്രിഡ്ജ് ഇന്നു കാലത്ത് പുറപ്പെട്ടു. കഴിഞ്ഞ രണ്ട് ആഴ്ചയായി ബൈപ്പാസിലെ പാലോറ മലയിൽ  നിർത്തിയിട്ടതായിരുന്നു. മുന്നെണ്ണമാണുണ്ടായിരുന്നത്. ഇതിൽ രണ്ടെണ്ണം കഴിഞ്ഞ ഞായറാഴ്ച കണ്ണൂർ വിമാനതാവളത്തിലേക്ക് പോയിരുന്നു.

പോലീസിന്റെ അകമ്പടിയോടെയാണ് പോകുന്നതെങ്കിലും വൻ ഗതാഗത കുരുക്കാണ് ദേശീയ പാതയിൽ അനുഭവപ്പെട്ടത്. ചൈനയിൽ നിന്നും എത്തി ചെന്നൈ വഴിയാണ് എയ്റോബ്രിഡ്ജുകൾ കേരളത്തിലെത്തിയത്.