മസ്തിഷ്ക ജ്വരം: ബീഹാറില്‍ മരിച്ച കുട്ടികളുടെ എണ്ണം 100 ആയി
പട്ന: മസ്തിഷ്ക ജ്വരം ബാധിച്ച്‌ ബീഹാറിലെ മുസാഫര്‍പൂരില്‍ മരിച്ച കുട്ടികളുടെ എണ്ണം 100 ആയി. ഞായറാഴ്ച മാത്രം 20 കുട്ടികള്‍ക്കാണ് ജീവന്‍ നഷ്ടമായത്. ഇതില്‍ 83 കുട്ടികള്‍ ശ്രീ കൃഷ്ണ മെഡിക്കല്‍ കോളജിലും 17 പേര്‍ സിറ്റി കെജ്രിവാള്‍ ആശുപത്രിയിലുമാണ് മരിച്ചത്.
റിപ്പോര്‍ട്ടുകളനുസരിച്ച്‌ ശ്രീ കൃഷ്ണ മെഡിക്കല്‍ കോളജിലെ ഐ.സി.യുവില്‍ 294 കുട്ടികളാണ് ചികില്‍സയിലുള്ളത്. സംസ്ഥാനത്ത് അനുഭവപ്പെടുന്ന കനത്ത ചൂടാണ് സ്ഥിതി വഷളാക്കിയതെന്നാണ് റിപ്പോര്‍ട്ട്. ചൂട് മൂലം ഇതുവരെ ഏകദേശം 32 ബീഹാറില്‍ പേര്‍ക്ക് ജീവന്‍ നഷ്ടമായിട്ടുണ്ട്.
അതേസമയം, ഞായറാഴ്ച കേന്ദ്ര ആരോഗ്യമന്ത്രി ഹര്‍ഷ വര്‍ധന്‍ ബീഹാറില്‍ സന്ദര്‍ശനം നടത്തി സ്ഥിതിഗതികള്‍ വിലയിരുത്തിരുന്നു.സംസ്ഥാനത്തിന് ആവശ്യമായ സഹായങ്ങളെല്ലാം ചെയ്യുമെന്ന് കേന്ദ്ര ആരോഗ്യമന്ത്രി പറഞ്ഞു.
Advertisements
