മകളെയും അച്ഛനെയും അമ്മയെയും കൊലപ്പെടുത്തിയ സൗമ്യക്ക് നേരെ കയ്യേറ്റശ്രമം
കണ്ണൂര്‍: പിണറായിയില്‍ മകളെയും അച്ഛനെയും അമ്മയെയും കൊലപ്പെടുത്തിയ സൗമ്യക്ക് നേരെ കയ്യേറ്റശ്രമം. തെളിവെടുപ്പിനിടെയാണ് സൗമ്യക്ക് നേരെ കയ്യേറ്റശ്രമം ഉണ്ടായത്. തെളിവെടുപ്പിനിടെ നാട്ടുകാര്‍ സൗമ്യയെ കൂവി വിളിച്ചു. തെളിവെടുപ്പ് പൂര്‍ത്തിയായി.
എലിവിഷമാണ് എല്ലാവരുടെയും കൊലയ്ക്ക് സൗമ്യ ഉപയോഗിച്ചതെന്ന് രാസപരിശോധന റിപ്പോര്‍ട്ട് സ്ഥിരീകരിക്കുന്നു. എലിവിഷം സൗമ്യക്ക് വാങ്ങിനല്‍കിയത് ഇവരുമായി ബന്ധമുള്ള ഓട്ടോ ഡ്രൈവറാണെന്നാണ് ഇപ്പോള്‍ പൊലീസിനന്‍റെ നിഗമനം. ഇയാളുള്‍പ്പെടെ സൗമ്യയുമായി ബന്ധമുള്ള മൂന്ന് പേരെ പൊലീസ് ഇന്നലെ കസ്റ്റഡിയിലെടുത്തിരുന്നു.
സൗമ്യ നാട്ടുകാരെ കബളിപ്പിച്ചു ഏന്നു അയല്‍വാസികള്‍ നേരത്തെ ആരോപിച്ചിരുന്നു. അമ്മക്ക് കിഡ്‌നി തകരാര്‍ ആണെന്നും, അച്ഛന് ശ്വാസം മുട്ടല്‍ ആണെന്നും നാട്ടുകാരെ സൗമ്യ വിശ്വസിപ്പിച്ചുവെന്നാണ് ആരോപണം. സൗമ്യ ആണ് കൊല നടത്തിയത് എന്ന് ഇപ്പോഴും വിശ്വസിക്കാനാകുന്നില്ല എന്നും അയല്‍വാസികള്‍ പ്രതികരിച്ചു.
