ഭര്‍ത്താവിനെ കൊലപ്പെടുത്തി ഭാര്യയെ പീഡിപ്പിച്ച കേസ്: രണ്ട് പ്രതികളും കുറ്റക്കാരെന്ന് കോടതി
തിരുവനന്തപുരം: കോളിയൂരില്‍ ഭര്‍ത്താവിനെ കൊലപ്പെടുത്തി ഭാര്യയെ പീഡിപ്പിച്ച കേസില്‍ രണ്ടു പ്രതികളും കുറ്റക്കാരെന്ന് കോടതി. പാറശാല സ്വദേശി അനില്‍കുമാര്‍, തമിഴ്നാട് സ്വദേശിചന്ദ്രശേഖരന്‍ എന്നീ പ്രതികള്‍ കുറ്റക്കാരെന്നാണ് കോടതി കണ്ടെത്തിയത്.
തിരുവനന്തപുരം രണ്ടാം അഡീഷണല്‍ സെഷന്‍സ് കോടതിയാണ് വിധി. പ്രതികള്‍ക്കുള്ള ശിക്ഷ കോടതി ഉച്ചക്ക് ശേഷം വിധിക്കും. മോഷണശ്രമത്തിനിടെയാണ് കൊലപാതകം നടന്നത്. ഭര്‍ത്താവിനെ തലക്കടിച്ച്‌ കൊലപ്പെടുത്തിയ ശേഷം ഭാര്യയെ വെട്ടിപ്പരുക്കേല്‍പ്പിച്ചിരുന്നു. ഭാര്യ മരണത്തെ അതിജീവിച്ചെങ്കിലും ആരെയും തിരിച്ചറിയാന്‍ കഴിയാത്ത അവസ്ഥയില്‍ തുടരുകയാണ്.
