പ്ലാസ്റ്റിക് അരി ഉപയോഗിച്ച് നിര്‍മ്മിച്ച പന്തു കൊണ്ട് കുട്ടികള്‍ ക്രിക്കറ്റ് കളിക്കുന്ന വീഡിയോ വൈറലാകുന്നു
https://youtu.be/EF1EQO76_4A
ഹാല്‍ഡ്വാനി: രാജ്യത്ത് വ്യാപകമായി പ്ലാസ്റ്റിക് അരി വില്‍പന നടത്തുന്ന വാര്‍ത്തകള്‍ പുറത്തുവരുന്നതിനിടെ ഉത്തരാഖണ്ഡില്‍ പരസ്യമായ പ്ലാസ്റ്റിക് അരി വില്‍പന വ്യാപകം. ഉത്തര്‍പ്രദേശിലെ ഹാല്‍ഡ്വാനിയിലാണ് പുതുതായി പ്ലാസ്റ്റിക് അരിവില്‍പന കണ്ടെത്തിയിരിക്കുന്നത്.
രാജ്യത്തിന്റെ വിവിധ ഭഗങ്ങളില്‍ നേരത്തെയും ഇത്തരം അരിയുടെ വില്‍പന കണ്ടെത്തിയിരുന്നു. എന്നാല്‍ ഉത്തരാഖണ്ഡിലെ ഒരു കുടുംബം വാങ്ങിയ പ്ലാസ്റ്റിക് അരി ഉപയോഗിച്ച് നിര്‍മ്മിച്ച പന്തു കൊണ്ട് കുട്ടികള്‍ ക്രിക്കറ്റ് കളിക്കുന്ന വീഡിയോ വൈറലായതോടെയാണ് സംഭവത്തിന് വന്‍ മാധ്യമശ്രദ്ധ ലഭിച്ചത്.
ഹാല്‍ഡ്വാനിയിലെ ഒരു കുടുംബം വാങ്ങിയ അരി രുചിവ്യത്യാസത്തെ തുടര്‍ന്ന് പരിശോധിച്ചപ്പോഴാണ് പ്ലാസ്റ്റിക് അരിയാണെന്ന് കണ്ടെത്തിയത്. ചൂടായ അരി പന്തിന്റെ ആകൃതിയില്‍ ഉരുട്ടിയെടുത്താണ് കുട്ടികള്‍ ക്രിക്കറ്റ് പന്തായി ഉപയോഗിച്ചത്. അരി ഉരുള റബര്‍ പന്തുപോലെ നിലത്ത് എറിഞ്ഞ പൊങ്ങിവരുന്നതും ദൃശ്യങ്ങളില്‍ കാണാം.
വാര്‍ത്ത പുറത്തു വന്നതോടെ വ്യാപാര സ്ഥാപനങ്ങളിലെ പ്ലാസ്റ്റിക് അരി വില്‍പന ശ്രദ്ധയില്‍ പെട്ടതായും ഉത്തരവാദികള്‍ക്കെതിരെ കര്‍ശന നടപടിയെടുക്കുമെന്നും ഹാല്‍ഡ്വാനി സിറ്റി മജിസ്‌ട്രേറ്റ് കെ.കെ മിശ്ര മാധ്യമങ്ങളോട് പറഞ്ഞു.
ആന്ധ്രാപ്രദേശിലുും തെലങ്കാനയിലും നേരത്തെ വന്‍ തോതില്‍ പ്ലാസ്റ്റിക് അരി കണ്ടെത്തിയിരുന്നു. തെലങ്കാനയിലെ സരൂര്‍ നഗറില്‍ ബിരിയാണിയില്‍ പ്ലാസറ്റിക് അരി കണ്ടതിനെ തുടര്‍ന്ന് പരാതിപ്പെട്ട ദൃശ്യമാധ്യമപ്രവര്‍ത്തകനെ ഹോട്ടലുടമയും കൂട്ടാളികളും ചേര്‍ന്ന് അക്രമിച്ച സംഭവവും കഴിഞ്ഞ ദിവസം വാര്‍ത്തയായിരുന്നു.
