പെരുന്നാൾ കിറ്റ് വിതരണവും വിവാഹ സഹായ വിതരണവും നടത്തി

കൊയിലാണ്ടി: കൊല്ലം ഏറിയ മുസ്ലിം ലീഗ് ശിഹാബ് തങ്ങൾ റിലീഫ് സെല്ലിന്റെ ആഭിമുഖ്യത്തിൽ പെരുന്നാൾ കിറ്റ് വിതരണവും വിവാഹ സഹായ വിതരണവും നടത്തി. കോഴിക്കോട് ജില്ലാ മുസ്ലിം ലീഗ്‌ വൈസ് പ്രസിഡണ്ട് വി.പി.ഇബ്രാഹിംകുട്ടി വിതരണോദ് ഘാടനം നിർവ്വഹിച്ചു. റിലീഫ് സെൽ പ്രസിഡണ്ട് സി.കെ.മുഹമ്മദ് അലി അദ്ധ്യക്ഷത വഹിച്ചു. മൗലവി അമീനുല്ല ഉദ്ബോധന പ്രഭാഷണം നടത്തി. മുനിസിപ്പൽ മുസ്ലിം ലീഗ് പ്രസിഡണ്ട് കെ.എം.നജീബ് വിവാഹ സഹായ വിതരണം നിർവ്വഹിച്ചു. കൊല്ലം മഹല്ല് പ്രസിഡണ്ട് സിദ്ധീഖ് കൂട്ടും മുഖം റിലീഫ് കിറ്റ് വിതരണം നടത്തി.