പുതിയങ്ങാടി ജമാഅത്ത സ്കൂളിലെ ലീഗ് കള്ളവോട്ടിന് സ്ഥിരീകരണമാകുമ്ബോള്‍ അഴിഞ്ഞു വീഴുന്നത് ലീഗിന്റെയും കോണ്‍ഗ്രസ്സിന്റെയും ആദര്‍ശ മുഖം മൂടി
പുതിയങ്ങാടി ജമാഅത്ത സ്കൂളിലെ ലീഗ് കള്ളവോട്ടിന് സ്ഥിരീകരണമാകുമ്ബോള്‍ അഴിഞ്ഞു വീഴുന്നത് ലീഗിന്റെയും കോണ്‍ഗ്രസ്സിന്റെയും ആദര്‍ശ മുഖം മൂടി.
കോണ്‍ഗ്രസ്സ് ബൂത്ത് ഏജന്റിന്റെ പ്രേരണയിലാണ് കള്ള വോട്ട് ചെയ്തതെന്ന ലീഗ് പ്രര്‍വര്‍ത്തകന്റെ കുറ്റ സമ്മതത്തിലൂടെ കള്ളവോട്ടില്‍ യു ഡി എഫ് നേതൃത്വത്തിന്റെ പങ്കാണ് വ്യക്തമാകുന്നത്.
ലീഗ് കള്ള വോട്ടിന്റെ വാര്‍ത്ത കൈരളി ന്യൂസ് പുറത്ത് വിട്ടപ്പോള്‍ നിഷേധിച്ച ലീഗ് നേതൃത്വം പുതിയ ന്യായീകരണം കണ്ടെത്താനുള്ള തത്രപ്പാടിലാണ്.
അതേ സമയം പാമ്ബുരുത്തി മാപ്പിള എ യു പി സ്‌കൂളില്‍ ലീഗ് പ്രവര്‍ത്തകര്‍ കള്ളവോട്ട് ചെയ്ത സംഭവത്തില്‍ കണ്ണൂര്‍ ജില്ലാ കലക്റ്റര്‍ തെളിവെടുപ്പ് ആരംഭിച്ചതും ലീഗിന് കനത്ത തിരിച്ചടിയായി.
പുതിയങ്ങാടി ജമാ അത്ത് ഹയര്‍ സെക്കന്ററി സ്കൂളിലെ ലീഗ് കള്ള വോട്ട് തെളിഞ്ഞ സാഹചര്യത്തില്‍ വന്‍ പ്രതിസന്ധിയിലാണ് യു ഡി എഫ് നേതൃത്വം.
കള്ള വോട്ടിന്റെ വാര്‍ത്ത കൈരളി ന്യൂസ് പുറത്ത് വിട്ടപ്പോള്‍ കണ്ണും പൂട്ടി നിഷേധിച്ച യു ഡി എഫ് നേതാക്കള്‍ ഇപ്പോള്‍ പുതിയ ന്യായീകരണങ്ങള്‍ തേടുകയാണ്.
കോണ്‍ഗ്രസ്സ് ബൂത്ത് ഏജന്റിന്റെ പ്രേരണയിലാണ് കള്ളവോട്ട് ചെയ്തതെന്ന ലീഗ് പ്രവര്‍ത്തകന്റെ കുറ്റസമ്മതം കള്ള വോട്ടില്‍ യു ഡി എഫ് ഉന്നത നേതൃത്വത്തിന്റെ പങ്കിലേക്കാണ് വിരല്‍ ചൂണ്ടുന്നത്.
പുതിയങ്ങാടി ജമാ അത്ത ഹയര്‍ സെക്കന്ററി സ്കൂളിലെ 69,70 നമ്ബര്‍ ബൂത്തുകളില്‍ കള്ള വോട്ട് തെളിഞ്ഞതിന് പിന്നാലെ പാമ്ബുരുത്തിയിലെ കള്ളവോട്ട് ആരോപണത്തില്‍ തെളിവെടുപ്പ് ആരംഭിച്ചതും യു ഡി എഫ് നേതൃത്വത്തിന്റെ ചങ്കിടിപ്പ് വര്‍ധിപ്പിക്കുന്നു.
പാമ്ബുരുത്തി മാപ്പിള എ യു പി സ്‌കൂളില്‍ ലീഗ് പ്രവര്‍ത്തകര്‍ കള്ളവോട്ട് ചെയ്ത വാര്‍ത്ത കൈരളി ന്യൂസ് പുറത്തു വിട്ടതിന്റെ അടിസ്ഥാനത്തില്‍ കണ്ണൂര്‍ ജില്ലാ കാലക്ടറാണ് അന്വേഷണം ആരംഭിച്ചത്.
തെളിവെടുപ്പിന് ഭാഗമായി ബൂത്ത് ഏജന്റുമാരെയും തിരഞ്ഞെടുപ്പ് ഉദ്യോഗസ്ഥരെയും വിളിച്ചു വരുത്തി വിവരങ്ങള്‍ ശേഖരിച്ചു. വൈകാതെ തന്നെ പാമ്ബുരുത്തി കള്ള വോട്ടിന്റെ കാര്യത്തിലും യാഥാര്‍ഥ്യം പുറത്ത് വരും. യുഡിഎഫ് കേന്ദ്രങ്ങളിലെ കള്ള വോട്ടിന്റെ കൂടുതല്‍ പരാതികളും കലക്റ്റര്‍ പരിശോദിച്ച്‌ വരികയാണ്
