നിര്യാതനായി
കളമശേരി: വൈക്കം തെക്കേനട വളവത്ത് പുത്തന്‍പുരയ്‌ക്കല്‍ കെ പി കേസരി (88) നിര്യാതനായി. ദേശാഭിമാനി ചീഫ് എഡിറ്റര്‍ പി രാജീവിന്റെ ഭാര്യാപിതാവാണ്‌. എറണാകുളത്തെ സ്വകാര്യ ആശുപത്രിയില്‍ വ്യാഴാഴ്ച രാത്രി ഒമ്ബതോടെയായിരുന്നു അന്ത്യം. മൃതദേഹം ഗവ. മെഡിക്കല്‍ കോളേജ് മോര്‍ച്ചറിയില്‍ സൂക്ഷിച്ചിരിക്കുകയാണ്. സംസ്‌കാരം പിന്നീട് വൈക്കത്തെ കുടുംബവീട്ടില്‍.
കമ്യൂണിസ്‌റ്റ്‌ നേതാക്കളായ പി കൃഷ്ണപിള്ള, സി കെ വിശ്വനാഥന്‍ എന്നിവരുമായി അടുത്ത സൗഹൃദമുണ്ടായിരുന്നു. 1953ല്‍ സംഘടനാ പ്രവര്‍ത്തനത്തിന്റെ പേരില്‍ പൊലീസ് സര്‍വീസില്‍നിന്ന് പിരിച്ചുവിട്ട പന്ത്രണ്ടുപേരില്‍ ഒരാളാണ്‌. തുടര്‍ന്ന് മര്‍ച്ചന്റ് നേവിയില്‍ പ്രവേശിച്ചു. ക്യാപ്റ്റനായാണ് വിരമിച്ചത്.
ഭാര്യ: പരേതയായ അംബിക (കേന്ദ്ര തൊഴില്‍ വകുപ്പ് മുന്‍ ഉദ്യോഗസ്ഥ). മക്കള്‍: ഉമ കേസരി (പടന്താലുംമൂട്, പാറശാല), ലക്ഷ്മി കേസരി (അബുദാബി), ഡോ. വാണി കേസരി ( ഡയറക്ടര്‍, കുസാറ്റ് സ്‌കൂള്‍ ഓഫ്‌ ലീഗല്‍ സ്റ്റഡീസ് കളമശേരി). മറ്റു മരുമക്കള്‍: വിശ്വം (ഉണ്ണി, പാറശാല), ശ്രീകുമാര്‍ (അബുദാബി).
