നാലുവയസുകാരിയെ ലൈംഗികമായി പീഡിപ്പിച്ച അന്പതുകാരനെ പൊലീസ് അറസ്റ്റ് ചെയ്തു
ഡല്‍ഹി: നാലുവയസുകാരിയെ ലൈംഗികമായി പീഡിപ്പിച്ച അന്പതുകാരനെ പൊലീസ് അറസ്റ്റ് ചെയ്തു. തിങ്കളാഴ്ച രാത്രിയായിരുന്നു സംഭവം. പീഡനത്തിന് ഇരയായ കുട്ടിയുടെ അയല്‍വാസി ഫിറേന്‍ എന്നയാളാണ് പിടിയിലായത്.
രാത്രി ഒന്പതു മണിയോടെ കുട്ടിയുടെ വീട്ടിലെത്തിയ ഇയാള്‍, കുട്ടിയെ താന്‍ ഉറക്കാമെന്ന് ആവശ്യപ്പെടുകയായിരുന്നു. അടുത്ത് അറിയാവുന്ന വ്യക്തിയായതിനാല്‍ വീട്ടുകാര്‍ സംശയിച്ചില്ല. അതേസമയം കുട്ടിയെ ഇയാള്‍ ഉപദ്രവിച്ച ശേഷം വിവരം പുറത്തുപറയരുതെന്ന് ഭീഷണിപ്പെടുത്തി. എന്നാല്‍ കുട്ടി അമ്മയോട് കാര്യം പറയുകയായിരുന്നു.
