ദേവസ്വം ഒാര്‍ഡിനന്‍സില്‍ ഗവര്‍ണര്‍ ഒപ്പുവെച്ചു; പ്രയാര്‍ ഗോപാലകൃഷ്ണന്‍ പുറത്ത്
തിരുവനന്തപുരം: തിരുവിതാംകൂര്‍ ദേവസ്വം ബോര്‍ഡ് പ്രസിഡന്‍റിെന്‍റയും അംഗങ്ങളുടെയും കാലാവധി രണ്ടു വര്‍ഷമായി കുറക്കാന്‍ വ്യവസ്ഥ ചെയ്യുന്ന ഒാര്‍ഡിനന്‍സില്‍ ഗവര്‍ണര്‍ ജ.പി. സദാശിവം ഒപ്പുവെച്ചു. നിലവില്‍ മൂന്നു വര്‍ഷമുണ്ടായിരുന്ന കലാവധിയാണ് രണ്ടു വര്‍ഷമായി കുറക്കുന്നത്. നിലവില്‍ പ്രസിഡന്‍റ് പ്രയാര്‍ ഗോപാലകൃഷ്ണന്‍, അംഗം അജയ് തറയില്‍ എന്നിവരുടെ കാലാവധി രണ്ടു വര്‍ഷം പൂര്‍ത്തിയായിരുന്നു. ഒരു വര്‍ഷം ബാക്കി നില്‍ക്കെയാണ് ഇവരെ പുറത്താക്കും വിധം ഒാര്‍ഡിനന്‍സ് െകാണ്ടുവന്നത്. വെള്ളിയാഴ്ച ചേര്‍ന്ന അടിയന്തര മന്ത്രിസഭ യോഗമാണ് ഗവര്‍ണര്‍ക്ക് ശിപാര്‍ശ നല്‍കിയത്. ഇതോടെ പ്രയാര്‍ ഗോപാലകൃഷ്ണനും അജയ് തറയിലും പുറത്തായി.
ഒാര്‍ഡിനന്‍സില്‍ ഗവര്‍ണര്‍ ഇന്നലെ സര്‍ക്കാറിനോട് വിശദീകരണം തേടിയിരുന്നു. എന്ത് അിടയന്തിര സാഹചര്യമാണ് ഇൗ വിഷയത്തിലെന്ന് ആരാഞ്ഞ ഗവര്‍ണര്‍ തീര്‍ഥാടനത്തെ ബാധിക്കില്ലേയെന്നും ചോദിച്ചു. മുമ്ബും ഇത്തരത്തില്‍ സര്‍ക്കാറുകള്‍ ഒാര്‍ഡിനന്‍സ് ഇറക്കിയിട്ടുണ്ടെന്നും ശബരിമല തീര്‍ഥാടന ഒരുക്കങ്ങളെ ഇത് ഒരുതരത്തിലും ബാധിക്കില്ലെന്നും സര്‍ക്കാര്‍ ഗവര്‍ണര്‍ക്ക് വിദശീകരണം നല്‍കുകയും ചെയ്തു. തിങ്കളാഴ്ചതന്നെ ദേവസ്വം മന്ത്രി കടകംപള്ളി സുരേന്ദ്രന്‍ രാജ്ഭവനിലെത്തി വിശദീകരണം നല്‍കുകയായിരുന്നു. 2007ലും 2014ലും ഇപ്രകാരം ബോര്‍ഡിെന്‍റ കാലാവധി കുറച്ച തീരുമാനങ്ങളും ദേവസ്വം മന്ത്രി വിശദീകരിച്ചു. മുഖ്യമന്ത്രി പിണറായി വിജയനുമായും ദേവസ്വം മന്ത്രി ആശയവിനിമയം നടത്തിയിരുന്നു.
ശബരിമല തീര്‍ഥാടനം പടിവാതില്‍ക്കല്‍ നില്‍ക്കെ ബോര്‍ഡിനെ പിരിച്ചുവിടുന്നതില്‍ യു.ഡി.എഫും ബി.ജെ.പിയും കടുത്ത വിമര്‍ശനം ഉയര്‍ത്തിയിരുന്നു. ഒാര്‍ഡിനന്‍സില്‍ ഒപ്പിടരുതെന്ന് പ്രതിപക്ഷ നേതാവ് രമേശ് ചെന്നിത്തല ഗവര്‍ണര്‍ക്ക് കത്തയച്ചിരുന്നു. ബി.ജെ.പി നേതാക്കള്‍ ഇൗ വിഷയത്തില്‍ ഗവര്‍ണറെ കാണുകയും ചെയ്തിരുന്നു.
