തെരുവ് നായയുടെ ആക്രമണത്തില്‍ ഗുരുതര പരിക്ക്
തിരുവനന്തപുരം: ആറുമാസം പ്രായമുള്ള പിഞ്ചുകുഞ്ഞിന് തെരുവ് നായയുടെ ആക്രമണത്തില്‍ ഗുരുതര പരിക്ക്. തിരുവനന്തപുരം ഉഴമലയ്ക്കലിലാണ് സംഭവം. മുക്കോലക്കല്‍ മരങ്ങാട്ടൂ ഷിജു ഭവനില്‍ സൗമ്യ-ഷിജു ദമ്ബതികളുടെ മകള്‍ ക്രിസ്റ്റീനയെയാണ് നായ കടിച്ചത്.
ശരീരമാസകലം കടിയേറ്റ കുഞ്ഞിനെ തിരുവനന്തപുരം എസ്‌എടി ആശുപത്രിയില്‍ പ്രവേശിപ്പിച്ചു. കുളിപ്പിക്കാനായി വീടിന്‍റെ വരാന്തയില്‍ കിടത്തിയശേഷം അമ്മ അകത്തേക്കു പോയ സമയത്താണ് കുട്ടി നായയുടെ ആക്രമണത്തിന് ഇരയായത്.
