തൂത്തുക്കുടി വെടിവെപ്പില്‍ പൊലീസിനെ വിമര്‍ശിച്ച നടി അറസ്റ്റില്‍
ചെന്നൈ: തൂത്തുക്കുടി സ്റ്റെര്‍ലൈറ്റ് സമരത്തില്‍ പൊലീസ് നടപടിയെ ഫേസ്ബുക്കിലൂടെ വിമര്‍ശിച്ച നടിയെ അറസ്റ്റ് ചെയ്തു. പൊലീസ് വേഷത്തില്‍ ഫേസ്ബുക്കില്‍ പ്രത്യക്ഷപ്പെട്ട് വിമര്‍ശനം നടത്തിയ സിനിമാ സീരിയല്‍ നടി നീലാനിയെയാണ് തമിഴ്നാട് പൊലീസ് അറസ്റ്റ് ചെയ്തത്.
പൊലീസ് ക്രൂരത സഹിക്കാന്‍ പറ്റുന്നില്ല. തമിഴ്നാട് പൊലീസ് യൂണിഫോമിനോട് തന്നെ ഇപ്പോള്‍ ലജ്ജ തോനുന്നു. സമാധാനപരമായി സമരം നടത്തിയവരെ പൊലീസ് തീവ്രവാദികളാക്കി എന്നാണ് ഫേസ്ബുക്ക് വീഡിയോയിലൂടെ നീലാനി പറഞ്ഞത്.
നീലാനിയുടെ വീഡിയോ സോഷ്യല്‍ മീഡിയയില്‍ വൈറലായി. തുടര്‍ന്നാണ് പൊലീസ് ആരംഭിച്ചത്. എന്നാല്‍ പൊലീസ് അന്വേഷണം ആരംഭിച്ചതോടെ ബന്ധുവീട്ടില്‍ ഒളിവില്‍ കഴിയുകയായിരുന്നു നീലാനി. ചെന്നൈ പൊലീസാണ് നീലാനിക്കെതിരെ കേസെടുത്തത്. കുന്നൂര്‍ കോടതിയില്‍ ഹാജരാക്കിയ നീലാനി ഇപ്പോള്‍ പൊലീസ് കസ്റ്റഡിയിലാണ്.
Advertisements
