തിരുവല്ല ഇന്ത്യന്‍ ഓവര്‍സീസ് ബാങ്ക് ശാഖയില്‍ വന്‍ കവര്‍ച്ച
തിരുവല്ല: തിരുവല്ലയില്‍ നഗരത്തില്‍ ഇന്ത്യന്‍ ഓവര്‍സീസ് ബാങ്ക് ശാഖയില്‍ വന്‍ കവര്‍ച്ച. 16 ലക്ഷത്തിന്റെ പുതിയ നോട്ടുകളും 11 ലക്ഷത്തിന്റെ പഴയ നോട്ടകളുമടക്കം 27 ലക്ഷം കവര്‍ന്നു. ഗ്യാസ് കട്ടര്‍ ഉപയോഗിച്ച്‌ ജനല്‍ കമ്പി
മുറിച്ച്‌ അകത്ത് കടന്നാണ് കവര്‍ച്ച നടത്തിയത്‌. ബാങ്കിന്റെ വിവിധ ശാഖകളിലേക്ക് വിതരണത്തിനായി വച്ച പണവും കവര്‍ച്ച ചെയ്തന്നാണ് വിവരം. ബാങ്ക് ലോക്കറില്‍ സൂക്ഷിച്ച പണമാണ് കവർച്ച ചെയ്യപ്പെട്ടത്‌. ലോക്കര്‍ കുത്തി തുറന്നാണ് മോഷണം. ബാങ്കില്‍ പോലീസും ഫോറന്‍സിക് വിദഗ്ധരും പരിശോധന നടത്തിവരികയാണ് .പ്രദേശത്ത് കനത്ത പോലീസ് സുരക്ഷ ഏര്‍പ്പെടുത്തിയിട്ടുണ്ട്.
