ടി. ഗോപിമാസ്റ്ററെ അനുസ്മരിച്ചു
കൊയിലാണ്ടി: മുതിർന്ന സി.പി.ഐ(എം) നേതാവും കൊയിലാണ്ടി മേഖലയിലെ കമ്മ്യൂണിസ്റ്റ് പ്രസ്ഥാനത്തിൻ്റെ മുന്നണി പോരാളിയും അധ്യാപകനുമായിരുന്ന ടി. ഗോപിമാസ്റ്ററുടെ രണ്ടാം ചരമ വാർഷികം സമുചിതമായി ആചരിച്ചു. പുഷ്പാർച്ചനക്ക് ശേഷം അദ്ദേഹത്തിൻ്റെ സ്വവസതിയിൽ നടന്ന അനുസ്മരണ പരിപാടി കെ. ദാസൻ എം.എൽ.എ. ഉദ്ഘാടനം ചെയ്തു. സി.പി.ഐ.(എം) ഏരിയാ സെക്രട്ടറി കെ. കെ. മുഹമ്മദ് അനുസ്മരണ പ്രഭാഷണം നടത്തി.
സി.പി.എം ഏരിയാ കമ്മിറ്റി അംഗം ടി. കെ. ചന്ദ്രൻ മാസ്റ്റർ അദ്ധ്യക്ഷതവഹിച്ച ചടങ്ങിൽ നഗരസഭാ ചെയർമാൻ അഡ്വ. കെ. സത്യൻ മുഖ്യാഥിതി ആയിരുന്നു. സി.ആർ. നായർ, നഗരസഭ വിദ്യഭ്യാസ സ്റ്റൻ്റിംഗ് കമ്മിറ്റി ചെയർമാൻ കെ. ഷിജു മാസ്റ്റർ, ലോക്കൽ സെക്രട്ടറി പി. കെ. ഭരതൻ, കെ. സുകുമാരൻ, ഗോപിമാസ്റ്ററുടെ സുഹൃത്ത് കൂമുള്ളി അബൂബക്കർ, ഗോവിന്ദൻ മാസ്റ്റർ തുടങ്ങിയവർ സംസാരിച്ചു. സെൻട്രൽ ലോക്കൽ സെക്രട്ടറി ടി. വി. ദാമോദരൻ സ്വാഗതവും കൌൺസിലർ മാങ്ങോട്ടിൽ സുരേന്ദ്രൻ നന്ദിയും പറഞ്ഞു.
