ചെമ്പനോട കർഷക ആത്മഹത്യ: അന്വേഷണത്തിന്‌ ഡെപ്യൂട്ടി കലക്ടറെ നിയോഗിച്ചു
കോഴിക്കോട്: കോഴിക്കോട് ജില്ലയിലെ ചെമ്ബനോടയില്‍ ആത്മഹത്യ ചെയ്ത കര്‍ഷകന്റെ കരം സ്വീകരിച്ചു. ചെമ്ബനോട വില്ലേജ് ഓഫീസിലാണ് കരമടച്ചത്. പരിശോധനയിൽ വില്ലേജ് ഓഫീസിലെ രേഖകള്‍ തിരുത്തിയതായി കണ്ടെത്തി. കരം അടക്കാനായി ബന്ധുക്കള്‍ ചെന്നപ്പോഴാണ് രേഖകള്‍ തിരുത്തിയതായി കണ്ടെത്തിയത്. തിരുത്തിയ രേഖകളുടെ പകര്‍പ്പ് വേണമെന്ന് ബന്ധുക്കളും കുടുംബവും ആവശ്യപ്പെട്ടു.
വിവരാവകാശപ്രകാരം രേഖാമുലം ആവശ്യപ്പെട്ടാല്‍ രേഖകളുടെ പകര്‍പ്പ് നല്‍കാമെന്ന് വില്ലേജ് ഓഫീസ് അധികൃതര്‍ പ്രതികരിച്ചു. സംഭവത്തില്‍ റവന്യു പ്രിന്‍സിപ്പല്‍ സെക്കട്ടറി നാളെ തെളിവെടുപ്പിന് ചെമ്ബനോടയില്‍ എത്തും. ആത്മഹത്യ സംഭവത്തില്‍ വിശദമായ അന്വേഷണം നടത്താനായി ഡെപ്യൂട്ടി കലക്ടറെ നിയോഗിച്ചു
