ചെന്നൈ വിമാനത്താവളത്തില് എയര്ഹോസ്റ്റസുമാരുടെ പ്രതിഷേധം
ചെന്നൈ: സുരക്ഷ ജീവനക്കാര് വസ്ത്രമഴിച്ച് പരിശോധിച്ചതിനെ തുടര്ന്ന് ചെന്നൈ വിമാനത്താവളത്തില് എയര്ഹോസ്റ്റസുമാരുടെ പ്രതിഷേധം. സ്പൈസ് ജെറ്റ് എയര് ഹോസ്റ്റസുമാരാണ് സ്വന്തം കമ്ബനിയുടെ സുരക്ഷ ജീവനക്കാര് വസ്ത്രമഴിച്ച് പരിശോധിച്ചുവെന്ന ആരോപണവുമായി രംഗത്തെത്തിയത്.
കഴിഞ്ഞ കുറേ ദിവസങ്ങളായി വസ്ത്രമഴിച്ച് പരിശോധിച്ചുെവന്നാണ് എയര് ഹോസ്റ്റസുമാരുടെ ആരോപണം. ഹാന്ഡ്ബാഗില് നിന്ന് സാനിറ്ററി നാപ്കിനുകള് വരെ എടുത്ത് മാറ്റാന് ആവശ്യപ്പെട്ടുവെന്നും ഇവര് ആരോപിച്ചു. വിമാനത്തില് നല്കുന്ന ഭക്ഷണത്തിന് പണം വാങ്ങുന്നുണ്ടെന്ന സംശയെത്ത തുടര്ന്നാണ് കമ്ബനി പരിശോധന നടത്തിയതെന്ന് സ്പൈസ് ജെറ്റിലെ കാബിന് ക്രൂ പ്രതികരിച്ചു. വിമാനത്തില് നിന്ന് സാധനങ്ങള് കാണാതാവുന്നതില് ജീവനക്കാര്ക്ക് പങ്കുണ്ടെന്ന് വിമാന കമ്ബനി സംശയിക്കുന്നതായും സ്പൈസ് ജെറ്റ് എയര്ഹോസ്റ്റസുമാര് ആരോപിക്കുന്നു.
അതേ സമയം, നിയമപരമായി മാത്രമേ ജീവനക്കാരെ പരിശോധിച്ചിട്ടുള്ളുവെന്നാണ് സ്പൈസ് ജെറ്റ് നല്കുന്ന വിശദീകരണം. സ്ത്രീകള് തന്നെയാണ് എയര്ഹോസ്റ്റസുമാരെ പരിശോധിച്ചത്. എല്ലാ വിമാന കമ്ബനികളും ഇത് നടത്താറുണ്ടെന്നും കമ്ബനി വിശദീകരിക്കുന്നു. എയര് ഹോസ്റ്റസുമാരുടെ പ്രതിഷേധത്തെ തുടര്ന്ന് സ്പൈസ് ജെറ്റിെന്റ കൊളംബോ വിമാനം വൈകിയെന്ന് റിപ്പോര്ട്ടുണ്ട്.