ഗുരുവായൂരില്‍ വൈശാഖ പുണ്യമാസാചരണത്തിന് ഞായറാഴ്ച തുടക്കം
ഗുരുവായൂര്‍; ഗുരുവായൂര്‍ ക്ഷേത്രത്തല്‍ വൈശാഖ പുണ്യമാസാചരണത്തിന് ഞായറാഴ്ച തുടക്കമാവും. മേട മാസത്തലെ പ്രഥമ മുതല്‍ ഇടവ മാസത്തിലെ അമാവസി വരെയുള്ള ഒരു ചന്ദ്രമാസക്കാലമാണ് വൈശാഖ പുണ്യമാസാചരണം.ഈസമയത്ത് ക്ഷേത്രത്തില്‍ വന്‍ ഭക്തജനതിരക്കാണനുഭവപ്പെടുക. ദാനധര്‍മ്മാതികള്‍ക്കും ദര്‍ശനത്തിനും വിശേഷപെട്ട മാസമാണ്.ബലരാമ ജയന്തിയായ അക്ഷയ തൃതീയ,ശ്രീ ശങ്കര ജയന്തി,ബുദ്ധ പൗര്‍ണമി,നരസിംഹ ജയന്തി,ദത്താത്രേയ ജയന്തി എന്നിവ വൈശാഖ മാസത്തിലെ വിശേഷ ദിവസങ്ങളാണ്.
ബലരാമയന്തിയായ അക്ഷയ തൃതീയ ഏഴിനാണ്. ശ്രീ ശങ്കര ജയന്തി ഒന്പതിനും.വൈശാഖ മാസത്തില്‍ ക്ഷേത്രം ആദ്ധ്യാത്മിക ഹാളില്‍ പൊന്നടുക്കം മണികണ്ഠന്‍ നന്പൂതിരി,പ്രൊഫ. മാധവപ്പള്ളി കേശവന്‍ നന്പൂതിരി,തട്ടയൂര്‍ കൃഷ്ണന്‍ നന്പൂതിരി,വെണ്മണി കൃഷ്ണന്‍ നന്പൂതിരി,തോട്ടം ശ്യാമന്‍ നന്പൂതിരി താമരക്കുളം നാരായണന്‍ നന്പൂതിരി, ആഞ്ഞം മധുസൂദനന്‍ നന്പൂതിരി എന്നിവര്‍ ആചാര്യന്മാരായി നാല് സപ്താഹങ്ങള്‍ നടക്കും.ദിവസവും വൈകിട്ട് മേല്‍പ്പത്തൂര്‍ ഓഡിറ്റോറിയത്തില്‍ ഭക്തി പ്രഭാഷണവും ഉണ്ടാകും.ജൂണ്‍ മൂന്നിനാണ് വൈശാഖമാസ സമാപനം.
