കൊല്ലത്ത്‌ ആര്‍എസ്‌എസ്‌ അക്രമം: വീട്ടമ്മയെ ആക്രമിച്ച്‌ വസ്ത്രം വലിച്ചുകീറി; ഭര്‍ത്താവിനും മക്കള്‍ക്കും മര്‍ദ്ദനം
കൊല്ലം>കൊല്ലം മനയില്‍കുളങ്ങരയില്‍ ആര്‍എസ്‌എസുകാര്‍ വീട്ടമ്മയെയും ഭര്‍ത്താവിനേയും ആക്രമിച്ച്‌ പരിക്കേല്‍പ്പിച്ചു. തടയാന്‍ ചെന്ന മക്കളേയും അടിച്ചു പരിക്കേല്‍പ്പിച്ചു. സിപിഐ എം പ്രവര്‍ത്തകനായ രെഞ്ചുവിനേയും ഭാര്യ ശ്രീദേവിയേയുമാണ്‌ ആക്രമിച്ചത്. ഇന്നലെ രാത്രിയാണ്‌ സംഭവം.
രഞ്ചുവിന്റെ വീട്ടിലെ വേലി വണ്ടി കൊണ്ടിടിച്ച്‌ പൊളിച്ചതിനെ ചോദ്യം ചെയ്തതിനെ തുടര്‍ന്നാണ് 9 പേര്‍ ഉള്‍പ്പെട്ട ആര്‍എസ്‌ എസ്‌ പ്രവര്‍ത്തകര്‍ വീടുകയറി ആക്രമിച്ചത്.
തടയാന്‍ ശ്രമിച്ച ശ്രീദേവിയെ ചവിട്ടി വീഴ്ത്തുകയും ഉടു വസ്ത്രം വലിച്ചു കീറുകയും ചെയ്തു.വടികൊണ്ടുള്ള അടിയേറ്റ്‌ രഞ്ചുവിന് തലയ്ക്ക് ഗുരുതരമായി പരിക്കേറ്റു.രക്ഷിതാക്കളെ ആക്രമിക്കുന്നത് തടയാന്‍ ശ്രമിച്ച മക്കളായ രജിത്ത്, റെജിന്‍ എന്നിവരേയും മര്‍ദ്ദിച്ചു.ഇവരെ ജില്ലാ ആശുപത്രിയില്‍ പ്രവേശിപ്പിച്ചു.
