കൊല്ലം ചിന്നക്കടയില്‍ വന്‍ തീപിടുത്തം
കൊല്ലം: കൊല്ലം നഗരത്തിലെ ചിന്നക്കടയില്‍ വന്‍ തീപിടുത്തം. പുലര്‍ച്ചെ 5.15നുണ്ടായ തീപിടുത്തത്തില്‍ പത്തു കടകള്‍ കത്തിനശിച്ചു. കോടിക്കണക്കിനു രൂപയുടെ നഷ്ടമുണ്ടായതായി കണക്കാക്കുന്നു. ഷോര്‍ട്ട് സര്‍ക്യൂട്ടാണ് തീപിടുത്തത്തിന് കാരണമെന്നാണ് സൂചന.
അഗ്നിശമനസേനയുടെ ആറു യൂണിറ്റുകള്‍ സ്ഥലത്തെത്തിയാണ് തീയണച്ചത്. അഗ്നിശമന സേനയും പൊലീസും നാട്ടുകാരും ഒന്നര മണിക്കൂറോളം പണിപ്പെട്ടാണ് തീ നിയന്ത്രണവിധേയമാക്കിയത്. രാവിലെ ഏഴരയോടെ തീ ഏതാണ്ട് പൂര്‍ണമായും അണച്ചു. എവിടെ നിന്നാണ് തീ പടര്‍ന്നതെന്ന് വ്യക്തമല്ല. പായിക്കട റോഡിലെ ഓടിട്ട കെട്ടിടങ്ങളാണ് കത്തിനശിച്ചതിലേറെയും. തുണി മൊത്തവ്യാപാരക്കടകളും, പാത്രക്കടകളും ആക്രിക്കടകളും കത്തിനശിച്ചവയില്‍പ്പെടുന്നു.
