കൊയിലാണ്ടി വൊക്കേഷണൽ ഹയർ സെക്കണ്ടറി സ്കൂളിന് മിന്നുന്ന വിജയം
കൊയിലാണ്ടി: ഗവ: വൊക്കേഷണൽ ഹയർ സെക്കണ്ടറി സ്കൂളിന് എസ്.എസ്.എൽ.സി.പരീക്ഷയിൽ മിന്നുന്ന വിജയം ബോയ്സ് സ്കൂൾ എന്ന പദവി മാറി മിക്സഡ് സ്കൂൾ ആയ ശേഷമുള്ള ആദ്യ വിജയമാണിത്. 372 ആൺകുട്ടികളും, 157 പെൺകുട്ടികളുമാണ് പരീക്ഷ എഴുതിയത്. ഇതിൽ മുഴുവൻ പെൺകുട്ടികളും വിജയിച്ചു. 53 സമ്പൂർണ്ണ എ പ്ലസ് നേടിയതിൽ 29 എപ്ലസും നേടിയത് പെൺകുട്ടികൾ 98.5 വിജയശതമാനം 39 കുട്ടികൾ 9 എ പ്ലസ് നേടിയിട്ടുണ്ട്.
മിക്സഡ് ആയ ശേഷം ചരിത്ര വിജയമാണ് സ്കൂൾ നേടിയത്. പൊതു വിദ്യാലയമായതിനാൽ മാനദണ്ഡമില്ലാതെ എല്ലാ വിദ്യാർത്ഥികൾക്കും അഡ്മിഷൻ നൽകിയിട്ടുണ്ട് കൊയിലാണ്ടി മണ്ഡലത്തിലെ മികവിന്റെ കേന്ദ്രമായി കൊയിലാണ്ടി വൊക്കേഷണൽ ഹയർ സെക്കണ്ടറിയെയാണ് തെരഞ്ഞെടുത്തത്. എം.എൽ.എ.യുടെയും, നഗരസഭയുടെയും പ്രത്യേക ശ്രദ്ധയും ഇടപെടലും, കാരണം പാഠ്യപാഠ്യേതര രംഗത്ത് അന്താരാഷ്ട്ര നിലവാരത്തിലെക്ക് കുതിക്കാനുള്ള തുടക്കമാണ് ഈ വർഷത്തെ വിജയം,
അദ്ധ്യാപകരുടെ കൂട്ടായ്‌മയും, ശക്തമായ പി. ടി. എ. യുമാണ് വിജയത്തിന്റെ ചാലകശക്തി ജനപ്രതിനിധികളും, സ്കൂൾ സപ്പോർട്ടിംഗ് ഗ്രൂപ്പും സ്കൂളിൻെറ മുന്നേറ്റത്തിന് സഹായകമായി.
