കൊയിലാണ്ടി ദേശീയ പാതയിൽ കാർ മരത്തിലിടിച്ച് അദ്ധ്യാപിക മരിച്ചു

കൊയിലാണ്ടി: ദേശീയ പാതയിൽ കാർ മരത്തിലിടിച്ച് കൊയിലാണ്ടി ഗവ. ഗേൾസ് എച്ച്.എസ്.എസിലെ അദ്ധ്യാപിക മരിച്ചു. അരിക്കുളം വൈശാഖി നീലാംബരിയിൽ അനിത (48) ആണ് മരിച്ചത്. ഇന്നലെ രാത്രി 11.30 ഓടെ പൊയിൽക്കാവിൽ വെച്ചാണ് അപകടം. ചാറ്റൽ മഴ കാരണം കാർ നിയന്ത്രണം വിട്ട് മരത്തിലിടിക്കുകയായിരുന്നു. മകൻ ധനഞ്ജയ് മുരളീധരനാണ് കാർ ഓടിച്ചിരുന്നത്. പരുക്കേറ്റ ഇവരെ കോഴിക്കോട് സ്വകാര്യ ആശുപതിയിൽ എത്തി ച്ചെങ്കിലും പുലർച്ചെ മരണമടയുകയായിരുന്നു.

ഭർത്താവ് മുരളീധരൻ നമ്പീശൻ കോക്കല്ലൂർ ഹെയർ സെക്കണ്ടറി സ്കൂൾ അദ്ധ്യാപകനാണ്. മകൻ നിരഞ്ജൻ മുരളീധരൻ (കോക്കല്ലൂർ എച്ച്.എസ്.എസ്, ) പയ്യന്നൂർ പിലാത്തറ ഇന്ദീവരത്തിൽ പരേതനായ ബാലൻ നമ്പീശന്റെയും, ശകുന്തളയുടെയും, മകളാണ്. സഹോദരങ്ങൾ: ശിവജി, ഗീത, സ്മിത. അനിതയുടെ നിര്യാണത്തിൽ സ്കൂൾ പി.ടി.എ.അനുശോചിച്ചു.