കെ. സുരേന്ദ്രൻ ഹെലികോപ്റ്ററിൽ ആർഭാട യാത്ര നടത്തിയതിനെതിരെ സൈക്കിൾ ഓടിച്ച് പ്രതിഷേധം
കാസര്‍ഗോഡ്: നിയമസഭാ തെരഞ്ഞെടുപ്പില്‍ രണ്ടിടത്ത് മത്സരിക്കുന്ന ബിജെപി സംസ്ഥാന പ്രസിഡൻ്റ് കെ സുരേന്ദ്രൻ്റെ ആര്‍ഭാട യാത്രക്കെതിരെ സൈക്കിളിലും ട്രാക്ടറിലും സഞ്ചരിച്ച്‌ നാട്ടുകാര്‍ പ്രതിഷേധിച്ചു. സുരേന്ദ്രന്‍ ഹെലികോപ്ടറില്‍ വന്നിറിങ്ങിയ പൈവളികെയിലാണ് പ്രതിഷേധം. പെട്രോള്‍, ഡീസല്‍, പാചകവാതക വില വര്‍ധനയില്‍ ജനങ്ങളെ കേന്ദ്ര സര്‍ക്കാര്‍ കൊള്ളയടിക്കുമ്ബോള്‍ ഹെലികോപ്ടറില്‍ പറന്ന് കോടികള്‍ പൊടിക്കുന്നത് തുറന്നുകാട്ടാനാണ് എല്‍ഡിഎഫ് നേതൃത്വത്തില്‍ സൈക്കിളിലും ട്രാക്ടറിലും റാലി നടത്തിയത്.
എല്‍ഡിഎഫ് സ്ഥാനാര്‍ഥി വി വി രമേശന്‍ റാലിയില്‍ പങ്കെടുത്തത് ആവേശമായി. കര്‍ഷകര്‍, യുവാക്കള്‍, വിദ്യാര്‍ഥികള്‍ ഉള്‍പ്പെടെയുള്ള നൂറുകണക്കിനാളുകള്‍ പങ്കടുത്തു. എല്‍ഡിഎഫ് നേതാക്കളായ അബ്ദുള്‍ റസാഖ് ചിപ്പാര്‍, സി കെ അജിത്, സദാനന്ദ കൊറിക്കാര്‍, ബി എ ബഷീര്‍ എന്നിവര്‍ നേതൃത്വം നല്‍കി.
