കുടിവെളള പ്രശ്‌നം ഉപഭോക്താക്കൾ മൂടാടി പഞ്ചായത്തിലേക്ക് മാർച്ച് നടത്തി

കൊയിലാണ്ടി:   മഴമാറുന്നതോടെ കിണറുകൾ വറ്റി കുടിവെള്ളക്ഷാമം രൂക്ഷമാകാറുള്ള പാലക്കുളം  ഉരുപുണ്യകാവ് പ്രദേശത്തുകാർ അഞ്ചു വർഷത്തിലധികമായി നിരവധിതവണ മുറവിളികൂട്ടിയിരുന്ന കുടിവെള്ള പദ്ധതി എങ്ങുമെത്താതെ നീണ്ടുപോകുന്നതിൽ പ്രതിഷേധിച്ച്‌  കടിവെള്ള ഉപഭോക്തൃ സമിതി  മൂടാടി പഞ്ചായത്ത്‌
ഓഫീസിലേക്ക് മാർച്ച് നടത്തി.  സ്ഥലം നൽകിയാൽ ആറുമാസം കൊണ്ട് കുടിവെള്ളം ലഭ്യമാക്കിത്തരാം എന്ന വാഗ്ദാനത്തിൽ കുടുങ്ങി അഞ്ചു വർഷം കഴിഞ്ഞിട്ടും നാട്ടുകാർ വഞ്ചിതരാവുകയാണ്. പി.എം. ഖാലിദ്‌ഹാജി കൊടുത്ത സ്ഥലത്താണ് കിണർകുഴിച്ചത്.  മറ്റു പണികളൊന്നും നടത്താതെയുള്ള അവഗനയിൽ പ്രതിഷേധിച്ചാണ് ഉപഭോക്താക്കൾ മാർച്ച് നടത്തിയത്.

പഞ്ചായത്ത്‌ ലീഗ് പ്രസിഡണ്ട്  പി.പി. കരിം ഉൽഘാടനം ചെയ്തു. പി.എം. ഖാലിദ് ഹാജി അധ്യക്ഷത വഹിച്ചു. വി.വി. ബാലൻ, പി.കെ.ഹാഷിം, പി.സത്യൻ, സി.പി.സമദ് , പി,എം. മുഹമ്മദാലി , പി.എം. ഫാസിൽ , പി.എം. ശഹീദ് , കുമാരൻ നായർ , കെ.പി. കരീം കൊയിലോത്ത്‌ എന്നിവർ സംസാരിച്ചു.