കടലില്‍ കാണാതായ കുട്ടികളുടെ മൃതദേഹം കണ്ടെത്തി
കണ്ണൂര്‍: കളിക്കുന്നതിനിടെ കടലില്‍ കാണാതായ രണ്ട് കുട്ടികളുടെ മൃതദേഹം കണ്ടെത്തി.തോട്ടട ബീച്ചിനടുത്ത് അഴിമുഖത്ത് ഒഴുക്കില്‍പ്പെട്ട കാണാതായ ആദികടലായി ഫാത്തിമാസില്‍ ഷറഫുദ്ദീൻ്റെ മകന്‍ മുഹമ്മദ് ഷറഫ് ഫാസില്‍ (15), ആദി കടലായി വട്ടക്കുളം ബൈത്തുല്‍ ഹംദില്‍ ബഷീറിൻ്റെ മകന്‍ മുഹമ്മദ്റിനാദ്(14) എന്നിവരുടെ മൃത ദേഹങ്ങളാണ് ചൊവ്വാഴ്ച രാവിലെ കണ്ടെത്തിയത്.
തിങ്കളാഴ്ച വൈകിട്ട് അഞ്ച് മണിയോടെയാണ് ഇരുവരെയും കടലില്‍ കാണാതായത്. അഴിമുഖത്തിനടുത്ത് കൂട്ടുകാരോടൊത്ത് കളിക്കുന്നതിനിടെ കടലില്‍ വീണ പന്ത് എടുക്കാനുള്ള ശ്രമത്തിനിടെ കടലിലേക്ക് ഒഴുകി പോവുകയായിരുന്നു. നാട്ടുകാരും പൊലീസും ഫയര്‍ഫോഴ്‌സും രാത്രി വൈകിയും തെരച്ചില്‍ നടത്തിയെങ്കിലും കണ്ടെത്തിയിരുന്നില്ല.
