ഇന്ന് പരിസ്ഥിതിദിനം. ഇത്തവണ ദിനാചരണം അന്തരീക്ഷമലിനീകരണത്തിനെതിരെ
വീണ്ടുമൊരു പരിസ്ഥിതിദിനംകൂടി വന്നെത്തിയിരിക്കുന്നു. ഇത്തവണത്തെ പ്രമേയം അന്തരീക്ഷമലിനീകരണമാണ്. വായുവും ജലവും മണ്ണും എന്തിന് ബഹിരാകാശംപോലും മലിനമാക്കപ്പെട്ടിരിക്കുന്ന ഒരു സാഹചര്യത്തിലാണ് നാം ജീവിക്കുന്നത്-. വായുമലിനീകരണംകൊണ്ട്- നിരവധിയായ രോഗങ്ങളും അതുമൂലം പ്രതിവര്‍ഷം 70 ലക്ഷത്തിലധികം ജനങ്ങള്‍ മരിക്കുന്ന സാഹചര്യവും കാരണമാണ് ഇത്തവണ അന്തരീക്ഷമലിനീകരണം മുഖ്യവിഷയമാക്കിയിട്ടുള്ളത്-.
പ്രകൃതിയോട് ചേര്ന്ന് ജീവിക്കുക
ഇന്ന് ലോകത്തില്‍ 92 ശതമാനം ജനങ്ങളും മലിനവായുവാണ് ശ്വസിക്കുന്നത്-. അതായത്- ലോകത്തെ 10 ല്‍ 9 പേര്‍ക്കും ശുദ്ധവായു ലഭിക്കുന്നില്ല. ഈ വര്‍ധിച്ച മലിനീകരണം വരുത്തുന്ന രോഗങ്ങളുടെ ചികിത്സയ്-ക്കായി ഓരോ രാജ്യത്തിനും കോടിക്കണക്കിന് തുകയാണ് ചെലവഴിക്കേണ്ടിവരുന്നത്-. മലിനീകരണം ഒഴിവാക്കിയാല്‍ അതുമൂലമുണ്ടാകുന്ന രോഗങ്ങളും താനേ മാറും. കാലാവസ്ഥാ വ്യതിയാനം, ആഗോളതാപനം, അമ്ലമഴ, വനനശീകരണം തുടങ്ങി പരിസ്ഥിതി സന്തുലനം തകര്‍ക്കുന്ന പ്രതിഭാസങ്ങള്‍ നിരവധിയാണ് ദിനംപ്രതി സംഭവിച്ചു കൊണ്ടിരിക്കുന്നത്-. ഇന്നത്തെ പ്രകൃതിദുരന്തങ്ങള്‍ക്കെല്ലാം പ്രത്യക്ഷമായോ പരോക്ഷമായോ മനുഷ്യന്‍ മാത്രമാണ് കാരണക്കാര്‍. ഭൂമിയിലെ മറ്റൊരു ജന്തുവിഭാഗവും ഭൂമിയുടെ സ്വാഭാവികരീതികളെ മാറ്റിമറിക്കുന്ന ഒന്നും ചെയ്യുന്നില്ല. അവ പ്രകൃതി-ക്കിണങ്ങി പ്രകൃതിയോട്- ചേര്ന്ന് ജീവിക്കുന്നു.
ഇടിച്ചുനിരത്തപ്പെടുന്ന കുന്നുകള്‍, നിരന്തരമായ വനശോഷണം, കാടുകത്തിക്കല്‍, അന്തരീക്ഷമലിനീകരണം, പ്ലാസ്റ്റിക്- കത്തിക്കല്‍, ശുദ്ധജല ഉറവകളെയും തടാകങ്ങളെയും മലിനമാക്കല്‍ ഇതൊക്കെ എന്തൊക്കെ നിയമങ്ങളും നിയന്ത്രണങ്ങളും ഉണ്ടെങ്കിലും അവയൊക്കെ അട്ടിമറിച്ചുകൊണ്ട്- സംഭവിക്കുന്നുണ്ട്-. ആര്‍ത്തിപൂണ്ട മനുഷ്യന്‍ ചെയ്യുന്ന ഇത്തരം പാതകങ്ങളിലൂടെ അന്തരീക്ഷ താപനില വല്ലാതെ- വര്‍ധിക്കുന്നു. നദികളും മറ്റ് ജലസ്രോതസ്സുകളും വറ്റിവരളുന്നു. ഭൂഗര്‍ഭജലംപോലും ഒരു നിയന്ത്രണവും പാലിക്കാതെ കൊള്ളയടിച്ച്‌- വില്‍പ്പന നടത്തുന്നു. കേവലം നിയമങ്ങള്‍കൊണ്ട്- മാത്രം പരിഹരിക്കാവുന്ന ഒരു പ്രശ്-നമല്ല ഇത്-. പരിസ്ഥിതിയെക്കുറിച്ചും വനസംരക്ഷണത്തെക്കുറിച്ചും ബോധവാന്മാരായ ഒരു തലമുറ ഇവിടെ വളര്‍ന്നുവന്നാല്‍ മാത്രമേ ഈ ദുഷ്-ചെയ്-തികള്‍ക്ക്- അറുതി വരുത്താനാകൂ.
ലോകത്ത്- ഏറ്റവും മലിനമായ അന്തരീക്ഷമുള്ള ആദ്യത്തെ 30 നഗരങ്ങളില്‍ 22 ഉം ഇന്ത്യയിലാണ്-. ലോകത്തിലെ രാജ്യതലസ്ഥാനങ്ങളില്‍ ഏറ്റവും മലിനമായത്- ഡല്‍ഹിയാണ് എന്നത്- ഞെട്ടിക്കുന്ന വസ‌്തുതയാണ‌്. ഭാഗ്യവശാല്‍ നമ്മുടെ സംസ്ഥാനത്ത്- ഒരു നഗരവും ആ പട്ടികയില്‍ വരുന്നില്ലെന്ന് മാത്രമല്ല, 29.1 ശതമാനം വനമായി നമ്മള്‍ സംരക്ഷിക്കുകയും രാജ്യത്ത്- വനാവരണതോത്- വര്‍ധിച്ച സംസ്ഥാനമായി കേരളം മാറിയിരിക്കുകയും ചെയ്യുന്നു. മാമലകളും പുല്‍മേടുകളും വനനിരകളും കണ്ടല്‍ക്കാടുകളുമൊക്കെയായി ജൈവവൈവിധ്യം നഷ്ടപ്പെടാതെ നിലനിര്‍ത്താന്‍ ഒരു പരിധി വരെ നമുക്ക്- കഴിയുന്നതുകൊണ്ടാണ് മലിനീകരണത്തിന്റെ ഭീഷണി ഇവിടെ താരതമ്യേന കുറഞ്ഞിരിക്കുന്നത്-. പക്ഷേ മലിനീകരണതോത്- ദിനംപ്രതി വര്‍ധിച്ചുവരുന്ന സാഹചര്യത്തില്‍ നമുക്ക്- വലിയ ആശങ്കകളാണ് അത്- ഉണ്ടാക്കുന്നത്-.
64 ലക്ഷം വൃക്ഷത്തൈകള്‍ വിതരണം ചെയ്യുന്നു
വനവും പരിസ്ഥിതിയും ജൈവവൈവിധ്യവും സംരക്ഷിക്കുന്നത്- ഇനിയും നീട്ടിവയ്-ക്കാന്‍ കഴിയില്ല. വനം വകുപ്പ്- ഇത്തവണ 64 ലക്ഷം വൃക്ഷത്തൈകള്‍ വിതരണത്തിനായി തയ്യാറാക്കിയിട്ടുണ്ട്-. അവ ഈ പരിസ്ഥിതിദിനത്തില്‍ സ്-കൂളുകള്‍, കോളേജുകള്‍, വിവിധ സന്നദ്ധസംഘടനകള്‍, മാധ്യമസ്ഥാപനങ്ങള്‍, തദ്ദേശഭരണ സ്ഥാപനങ്ങള്‍ തുടങ്ങിയവയ്-ക്ക്- സൗജന്യമായാണ് വിതരണം ചെയ്യുന്നത്-. കോടിക്കണക്കിന് രൂപ ചെലവഴിച്ച്‌- തയ്യാറാക്കുന്ന ഈ തൈകള്‍ സൗജന്യമായി വാങ്ങിക്കൊണ്ടു പോകുന്ന ഓരോരുത്തരും അത്- നട്ട്- വയ്-ക്കുന്നതോടെ തങ്ങളുടെ ഉത്തരവാദിത്തം കഴിഞ്ഞു എന്ന രീതിയില്‍ ചിന്തിക്കാതെ അതിനെ പരിപാലിച്ച്‌- വളര്‍ത്താനുള്ള ഉത്തരവാദിത്തം കാണിക്കണം. മരം ഒരു ജീവിതകാലവും മരണാനന്തരം അവകാശികള്‍ക്കും ഫലംനല്‍കുന്ന ഒരു ഇന്‍ഷുറന്‍സ്- പദ്ധതിയാണെന്ന് നാം മനസ്സിലാക്കണം.
വ്യക്തിക്ക്- നല്‍കുന്ന പരിരക്ഷയ‌്ക്ക്- അപ്പുറം അത്- സമൂഹത്തിനും പരിസ്ഥിതിക്കും നല്‍കുന്ന ഗുണങ്ങള്‍ പറഞ്ഞറിയിക്കാനാകാത്തതാണ്. ശുദ്ധവായു നല്‍കുന്നതിനും മഴ പെയ്യിക്കുന്നതിനും ജലം സംഭരണത്തിനും മണ്ണൊലിപ്പ്- തടയുന്നതിനും തുടങ്ങി ഒരു മരം നല്‍കുന്ന വരങ്ങള്‍ നിരവധിയാണ്. കടുത്ത ജനസാന്ദ്രതയുള്ള നമ്മുടെ സംസ്ഥാനത്ത്- ഇനിയും വനവിസ്-തൃതി വര്‍ധിപ്പിക്കാന്‍ കഴിയില്ല. കൈയേറ്റമായും കാട്ടുതീയായും മറ്റ് പലവിധ സാമൂഹ്യവിരുദ്ധ പ്രവര്‍ത്തനങ്ങളിലൂടെയും വനനശീകരണം ഉണ്ടാകാതിരിക്കാന്‍ വനം വകുപ്പ്- കൂടുതല്‍ ശ്രദ്ധിക്കുന്നുണ്ട്-. അത്തരം പ്രവര്‍ത്തനങ്ങള്‍ക്ക്- ജനങ്ങളുടെ സഹകരണം അനിവാര്യമാണ്. ഒപ്പംതന്നെ തുറസ്സായ ഇടങ്ങളിലെല്ലാം കഴിയുന്നത്ര മരം നട്ടുപിടിപ്പിച്ച്‌- ഹരിതാഭമാക്കാന്‍ തയ്യാറായാല്‍ പരിസ്ഥിതിയെയും ജൈവവൈവിധ്യത്തെയും സംരക്ഷിക്കാന്‍ കഴിയും. അതുവഴി മാനവരാശിയുടെ നിലനില്‍പ്പിനും അത്- സഹായകരമാകും. അതിലേ-ക്കുള്ള പ്രവര്‍ത്തനങ്ങള്‍ക്ക്- ഈ പരിസ്ഥിതിദിനാചരണം പ്രചോദനമാകട്ടെ.
