ഇന്ത്യന്‍ ഫുട്‌ബോള്‍ ഇതിഹാസം പി കെ ബാനര്‍ജി അന്തരിച്ചു
കൊല്‍ക്കത്ത: ഇന്ത്യന്‍ ഫുട്ബാള്‍ ഇതിഹാസം പി.കെ ബാനര്‍ജി (83) അന്തരിച്ചു. ന്യൂമോണിയ ബാധിച്ച്‌ കഴിഞ്ഞ് ഏതാനും ദിവസങ്ങളായി ചികിത്സയിലായിരുന്നു. 1960 ഒളിമ്പിക്സില്‍ ഫ്രാന്‍സിനെതിരെ ഇന്ത്യക്കായി സമനില ഗോള്‍ നേടിയത് പി.കെ ബാനര്‍ജിയായിരുന്നു. 1962ല്‍ ഏഷ്യന്‍ ഗെയിംസിലെ സ്വര്‍ണമെഡല്‍ നേടിയ ഇന്ത്യന്‍ ഫുട്ബാള്‍ ടീം അംഗമായിരുന്നു. ഇരുപതാം നൂറ്റാണ്ടിലെ മികച്ച ഇന്ത്യന്‍ ഫുട്ബാളര്‍ ആയി പി.കെ ബാനര്‍ജിയെ ഫിഫ തെരഞ്ഞെടുത്തിരുന്നു. ഇന്ത്യക്കായി 84 മത്സരങ്ങളില്‍ കളത്തിലിറങ്ങിയ ബാനര്‍ജി 65 ഗോളുകള്‍ നേടിയിട്ടുണ്ട്.
