അഭിമന്യു വധക്കേസില്‍ എട്ട് പ്രതികള്‍ക്കെതിരെ ലുക്കൗട്ട് നോട്ടീസ് പുറപ്പെടുവിച്ചു
കൊച്ചി: മഹാരാജാസ് കോളെജ് വിദ്യാര്‍ത്ഥി അഭിമന്യു വധക്കേസില്‍ എട്ട് പ്രതികള്‍ക്കെതിരെ ലുക്കൗട്ട് നോട്ടീസ് പുറപ്പെടുവിച്ചു. മുഹമ്മദ് ഹഷീം, തന്‍സീര്‍, സനിദ്, ഫായിസ്, ആരിസ് ബിന്‍ സലീം, ഷിഫാസ്, സഹല്‍, ജിസാല്‍ റസാഖ് എന്നീ പ്രതികള്‍ക്കെതിരെയാണ് പൊലീസ് ലുക്കൗട്ട് നേട്ടീസ് പുറപ്പെടുവിച്ചിരിക്കുന്നത്.
പ്രതികള്‍ക്കെതിരെ വിവരം ലഭിക്കുന്നവര്‍ അസിറ്റന്റ് കമ്മീഷണമാരായ എസ്ടി സുരേഷ്, കെ ലാല്‍ജി, പൊലീസ് ഇന്‍സ്‌പെക്ടര്‍ എ അനന്തലാല്‍ എന്നിവരെ വിവരം അറിയിക്കണം എന്നാണ് നോട്ടീസ്.
കേസില്‍ പ്രധാന പ്രതികളില്‍ ഒരാളായ മഹാരാജാസ് കോളെജ് വിദ്യാര്‍ത്ഥിയും ക്യാമ്ബസ് ഫ്രണ്ട് യൂണിറ്റ് പ്രസിഡന്റുമായ മുഹമ്മദിനെ പൊലീസ് പിടികൂടിയിരുന്നു. പള്ളുരുത്തി സ്വദേശിയായ സനീഷും കസ്റ്റഡിയില്‍ ഉണ്ട്. കേസില്‍ 22-ാം പ്രതി അനൂപ് 23-ാം പ്രതി ഫസലു എന്നിവര്‍ക്ക് കോടതി ജാമ്യം അനുവദിച്ചിരുന്നു.
കൊലപാതകത്തില്‍ നേരിട്ട് പങ്കുള്ള 13 പ്രതികള്‍ക്കെതിരെ പൊലീസ് അന്വേഷണം ഊര്‍ജിതമാക്കി. കേസില്‍ പ്രതികളായിട്ടുള്ള 16 പേര്‍ക്ക് എതിരെയുള്ള കുറ്റപത്രം സമര്‍പ്പിച്ച്‌ ഇവരുടെ ജാമ്യാപേക്ഷക്കുള്ള നീക്കം തടയാനാണ് പൊലീസ് ശ്രമം.
