അന്തര്‍ സംസ്ഥാന സ്വകാര്യ ബസ് സമരം അവസാനിച്ചു
തിരുവനന്തപുരം: അന്തര്‍ സംസ്ഥാന സ്വകാര്യ ബസ് സമരം അവസാനിച്ചു. ബസുടമകള്‍ ഗതാഗത സെക്രട്ടറിയുമായി നടത്തിയ ചര്‍ച്ചയിലാണ് സമരം അവസാനിച്ചത്. ബസുടമകളുടെ ആവശ്യങ്ങള്‍ അനുഭാവപൂര്‍വം പരിഗണിക്കാമെന്ന ഗതാഗത സെക്രട്ടറിയുടെ ഉറപ്പിന്‍മേലാണ് ഉടമകള്‍ സമരം പിന്‍വലിച്ചത്.
അതേസമയം, ബസില്‍ ജി.പി.എസ് സംവിധാനം നിര്‍ബന്ധമാക്കണമെന്നും യാത്രക്കാര്‍ക്ക് ടോയ് ലറ്റ് സൗകര്യം ലഭ്യമാക്കണമെന്നും സര്‍ക്കാര്‍ ബസുടകളോട് ആവശ്യപ്പെട്ടിട്ടുണ്ട്.
