ശബരിമല യുവതിപ്രവേശത്തിനെതിരായ പ്രതിഷേധങ്ങള്‍ ബിജെപി അവസാനിപ്പിക്കുന്നു
പത്തനംതിട്ട: ശബരിമല യുവതിപ്രവേശത്തിനെതിരായ പ്രതിഷേധങ്ങള്‍ ബിജെപി അവസാനിപ്പിക്കുന്നു. ഭക്തരും ജനങ്ങളും സമരത്തിനെതിരെ തിരിഞ്ഞ സാഹചര്യത്തിലാണ് ബിജെപിയുടെ തീരുമാനം. സമരത്തിന് ജനപിന്തുണ നഷ്ടമാകുന്നതായും ബിജെപി നേതൃത്വം വിലയിരുത്തുന്നു.
പ്രത്യക്ഷ സമരം അവസാനിപ്പിക്കുകയാണെന്നും ഇനി പ്രതികാത്മക സമരമാണ് നടത്തുകയെന്നും പിഎസ് ശ്രീധരന്‍ പിള്ള പറഞ്ഞു. ശബരിമലയില്‍ ആര്‍എസ്‌എസ്-ബിജെപി പ്രവര്‍ത്തകര്‍ നടത്തിയ അക്രമങ്ങള്‍ തിരിച്ചടിയായതായും ബിജെപി വിലയിരുത്തി.
ഇതിന്റെ ഭാഗമായി ഇന്ന് യുവമോര്‍ച്ച നിലയ്ക്കല്‍ പൊലീസ് സ്റ്റേഷനിലേക്ക് നടത്താനിരുന്ന മാര്‍ച്ച്‌ ഉപേക്ഷിച്ചു.ആചാര സംരക്ഷണമെന്ന പേരില്‍ ഭക്തരെയടക്കം മര്‍ദ്ദിച്ചും ഭീഷണിപ്പെടുത്തിയുമാണ് ബിജെപി ശബരിമലയില്‍ അക്രമ പരമ്ബരകള്‍ സൃഷ്ടിച്ചത്. ഇത് ഭക്തര്‍ക്കിടയില്‍തന്നെ അവമതിപ്പുണ്ടാക്കി.
Advertisements
