വന്യജിവികളുടെ അക്രമണം: അടിയന്തര നടപടി സ്വീകരിക്കണം – ഐക്യകർഷക സംഘം
തിരുവമ്പാടി: വന്യജിവികളുടെ അക്രമണം മൂലം മലയോര കൃഷി മേഖല നേരിടുന്ന പ്രശ്നങ്ങൾക്ക് അടിയന്തര നടപടി സ്വീകരിക്കണമെന്ന് ഐക്യ കർഷക സംഘം തിരുവമ്പാടി മണ്ഡലം സമ്മേളനം അധികൃതരോട് ആവശ്യപ്പെട്ടു. ചിപ്പിലിതോടിൽ നടന്ന സമ്മേളനം ആർ.എസ്.പി കോഴിക്കോട് ജില്ല സെക്രട്ടറി .ഇ.കെ.എം. റഫീക്ക് ഉദ്ഘാടനം ചെയ്തു. ഐക്യ കർഷക സംഘം ജില്ലാ പ്രസിഡണ്ട് എൻ.എസ്. രവി അധ്യക്ഷത വഹിച്ചു.
ആർ. എസ്. പി. ജില്ലാ കമ്മിറ്റി അംഗം ഹരിദാസൻ തലയാട് മുഖ്യ പ്രഭാഷണം നടത്തി. ആർ.വൈ.എഫ്. ജില്ലാ പ്രസിഡണ്ട് വിത്സൻ ജോൺ, മുതിർന്ന നേതാവ് വർഗ്ഗീസ് പുത്തൻ പുരയിൽ, ഐക്യ കർഷക സംഘം ജില്ലാ സെക്രട്ടറി റഷീദ് പുളിയഞ്ചേരി എന്നിവർ സംസാരിച്ചു. പി.കെ. രവി (മണ്ഡലം സെക്രട്ടറി), ഷാജി പുതുപ്പാടി (പ്രസിഡണ്ടായി), വി.വി വേലായുധൻ (ട്രഷറർ) എന്നിവരെ ഭാരവാഹികളായി തെരഞ്ഞെടുത്തു.
