ഫ്രാങ്കോ മുളക്കലിനെതിരായ പീഡന കേസില്‍ പൊലീസ് പുതിയ സത്യവാങ്മൂലം സമര്‍പ്പിച്ചു
കൊച്ചി: ജലന്ധര്‍ ബിഷപ്പ്‌ ഫ്രാങ്കോ മുളക്കലിനെതിരായ പീഡന കേസില്‍ പൊലീസ് പുതിയ സത്യവാങ്മൂലം സമര്‍പ്പിച്ചു.കേസിന്റെ നിലവിലെ പുരോഗതി കൂടി ഉള്‍പ്പെടുത്തി ഹൈക്കോടതിയിലാണ്‌ പുതിയ സത്യവാങ്മൂലം സമര്‍പ്പിച്ചിരിക്കുന്നത്.
കേസിലെ പുരോഗതി, കന്യാസ്ത്രീകളുടെ സുരക്ഷ എന്നിവയെ കുറിച്ചുള്ള വിവരങ്ങള്‍ കോടതിയെ ധരിപ്പിച്ചതായി കോട്ടയം എസ്.പി ഹരിശങ്കര്‍ അറിയിച്ചു. ഈ മാസം 19ന് ജലന്ധര്‍ ബിഷപ്പിനോട് നേരിട്ട് ഹാജരാകാന്‍ ആവശ്യപ്പെട്ടിട്ടുണ്ട്. കേസിലെ കാലതാമസം സ്വാഭാവികമാണ്. കന്യാസ്ത്രീയുടെയും സാക്ഷികളുടെയും മൊഴികളില്‍ വൈരുദ്ധ്യമുണ്ട്. ഇത് വിശദമായി പരിശോധിക്കുമെന്നും എസ് പി അറിയിച്ചു. കേസില്‍ ഹാജരാകാന്‍ ഫ്രാങ്കോ 19ന് തന്നെ എത്തുമെന്ന്‌ രൂപതാകേന്ദ്രങ്ങള്‍ അറിയിച്ചിട്ടുണ്ട്‌.
