നന്ദലാൽ ബോസ് അവാർഡ് സായി പ്രസാദിന്
കൊയിലാണ്ടി: നന്ദലാൽ ബോസ്അവാർഡ് ചിത്രകാരൻ (ചിത്രകൂടം) സായിപ്രസാദിന് . ബംഗാൾ ആസ്ഥാനമായി പ്രവർത്തിക്കുന്ന ബി.എം. ഫൈൻ ആർട്ട് ആന്റ് കൾച്ചർ സൊസൈറ്റിയുടെ പന്ത്രണ്ടാം വാർഷികത്തോടനുബന്ധിച്ച് നടത്തിയ ഇന്റർനാഷനൽ ലെജന്റ്സ് ആർട്ടിസ്റ്റ് ഷോ 2022 ലെ നന്ദലാൽ ബോസ് അവാർഡ് സായി പ്രസാദ് ചിത്രകൂടത്തിന് ലഭിച്ചത്. ശനിയാഴ്ച രാത്രി ലഭിച്ച ഫോൺ സന്ദേശത്തിലാണ് അവാർഡ് വിവരങ്ങൾ അറിഞ്ഞതെന്ന് സായിപ്രസാദ് പറഞ്ഞു.
ഭാരതത്തിലെ പ്രസിദ്ധരായ കലാകാരന്മാരുടെ കൂട്ടത്തിൽ പെട്ട ചിത്രകാരനാണ് നന്ദലാൽ ബോസ് ബംഗാളിത്തനിമ നിലനിർത്തിക്കൊണ്ട് ഭാരതീയ ചിത്രകലയെ ഉപാസിച്ചുപോന്ന അദ്ദേഹം തന്റെ കൃതികളിൽ സ്വീകരിച്ച ശൈലികൊണ്ട് ഖ്യാതി നേടിയ അദ്ദേഹത്തിന്റെ കൃതികൾ പുരാവസ്തുക്കളല്ലാതിരുന്നിട്ടുകൂടി, 1976-ൽ ആർക്കിയോളജിക്കൽ സർവ്വേ ഓഫ് ഇന്ത്യ, മറ്റ് കലാകാരന്മാരുടെ കൃതികൾക്കൊപ്പം, ഇന്ത്യൻ കലയിലെ “അമൂല്യനിധികൾ” ആയി പ്രഖ്യാപിക്കുകയുണ്ടായിട്ടുണ്ട്.
