ജീവനക്കാര്‍ക്കും കാണികള്‍ക്കും താപനില പരിശോധന ഉറപ്പാക്കണം; മാര്‍ഗനിര്‍ദേശം പുറത്തിറക്കി
നീണ്ട അടച്ചിടലിന് ശേഷം സംസ്ഥാനത്ത് സിനിമാ തിയറ്റര്‍ തുറക്കുമ്പോള്‍ പ്രവര്‍ത്തനം രാവിലെ ഒമ്പതു മണി മുതല്‍ രാത്രി ഒമ്പതു മണി വരെ മാത്രം. ഇതു സംബന്ധിച്ച മാര്‍ഗ നിര്‍ദേശം ആരോഗ്യവകുപ്പ് പുറത്തിറക്കി.
കോവിഡ് നെഗറ്റീവായ ജീവനക്കാര്‍ മാത്രമെ ജോലിക്കെത്താവൂ. സെക്കന്റ് ഷോ ഇല്ല. ഒന്നിലധികം സ്ക്രീനുള്ള മള്‍ട്ടിപ്ലക്സ് തിയറ്ററില്‍ ആള്‍ക്കൂട്ടം ഉണ്ടാക്കുന്ന നിലയില്‍ ഒരേ സമയത്ത് ഷോ ഒഴിവാക്കണം. ആകെ സീറ്റുകളുടെ 50 ശതമാനത്തില്‍ മാത്രമാണ് പ്രവേശനം. തിയറ്റര്‍ തുറക്കുന്നതിന് മുമ്പ് എയര്‍ കണ്ടീഷണര്‍ ശുചീകരിക്കണം. കൃത്യമായ ഇടവേളയില്‍ ഇത് തുടരണം. അകത്തുള്ള വായു നിരന്തരം കൈമാറുന്നതിന്റെ തോത് വര്‍ധിപ്പിക്കുന്ന നിലയിലാകണം എസിയുടെ പ്രവര്‍ത്തനം.
നിര്‍ദേശങ്ങള്‍
Advertisements
- ജീവനക്കാര്‍ക്കും കാണികള്‍ക്കും താപനില പരിശോധന ഉറപ്പാക്കണം
- മാസ്ക്, സാനിറ്റൈസര്‍, സാമൂഹ്യഅകലം എന്നിവ പാലിക്കണം
- ഒന്നിടവിട്ട സീറ്റുകളില്‍ ഇരിക്കണം, ലിഫ്റ്റിന് പകരം കോണിപ്പടി ഉപയോഗിക്കണം
- തിയറ്ററിനുള്ളില്‍ ഭക്ഷണപദാര്‍ഥം പാടില്ല
- ഓണ്‍ലൈന്‍ ബുക്കിങ് ഉപയോഗപ്പെടുത്തണം
- രോഗലക്ഷണം ഉള്ളവര്‍ക്കായി തിയറ്ററുകളില്‍ “സിക്ക് റൂം’ സ്ഥാപിക്കണം. ആരോഗ്യപ്രവര്‍ത്തകര്‍ എത്തുന്നതുവരെ ഇവര്‍ ഇവിടെ കഴിയണം
- ഹൈറിസ്ക് വിഭാഗത്തില്‍പ്പെട്ട ജീവനക്കാരെ ജനങ്ങളുമായി സമ്ബര്‍ക്കമില്ലാത്ത ജോലി ചെയ്യിക്കണം
