കൊടുങ്ങല്ലൂരില്‍ ബസ്സപകടം: കോഴിക്കോട് സ്വദേശിയായ അദ്ധ്യാപിക മരിച്ചു
തൃശൂര്‍: ദേശീയ പാത 17ല്‍ കൊടുങ്ങല്ലൂര്‍ മതിലകം പുന്നക്ക ബസാറില്‍ ബസ് ഇടിച്ച്‌ കോഴിക്കോട് സ്വദേശിയായ അധ്യാപിക മരിച്ചു. ഫറോക്ക് ഹയര്‍ സെക്കണ്ടറി സ്കൂള്‍ അധ്യാപിക റസീന (42) ആണ് മരിച്ചത്. പുലര്‍ച്ചെ ആറുമണിയോടെയായിരുന്നു അപകടം.തിരുവനന്തപുരത്ത് സ്കൗട്ട്സ് ആന്‍ഡ് ഗൈഡ്സ് ക്യാമ്പില്‍ കുട്ടികളെ പങ്കെടുപ്പിച്ച്‌ തിരികെ വരുന്നതിനിടെയാണ് അപകടം. റോഡു മുറിച്ചു കടക്കുന്നതിനിടെ സ്വകാര്യബസ് ഇടിച്ചു വീഴ്ത്തുകയായിരുന്നു.
