“ഒരേയൊരു ഭൂമി” ജൈവ വൈവിധ്യ ഉദ്യാനത്തിന് തുടക്കമായി

ചിങ്ങപുരം സി.കെ.ജി. മെമ്മോറിയൽ ഹയർ സെക്കണ്ടറി സ്കൂളിലെ ലോക പരിസ്ഥിതി ദിനാചരണത്തിന്റെ ഭാഗമായി ജൈവ വൈവിധ്യ ഉദ്യാനത്തിന് വേണ്ടി തൈ നട്ട് കൊണ്ട് പ്രവർത്തനം ആരംഭിച്ചു. പരിപാടിയുടെ ഉദ്ഘാടനം സ്കൂൾ പി.ടി.എ പ്രസിഡണ്ട് വി.വി. സുരേഷ് നിർവ്വഹിച്ചു. ലോക പരിസ്ഥിതി ദിനത്തിന്റെ ഭാഗമായി “ഒരേയൊരു ഭൂമി ” എന്ന മുദ്രാവാക്യത്തോടെയാണ് സി.കെ.ജി. മെമ്മോറിയൽ ഹയർ സെക്കണ്ടറി സ്കൂളിൽ ജൂൺ 5 മുതൽ 12 വരെ നീണ്ട് നിൽക്കുന്ന പരിസ്ഥിതി വാരാചരണമായി പരിപാടി സംഘടിപ്പിക്കുന്നത്.

വീടുകളിലും സ്കൂളിലും ജൈവ വൈവിധ്യ ഉദ്യാന നിർമ്മാണം, വൃക്ഷ തൈ പരിപാലനം, ക്വിസ് മത്സരം, പോസ്റ്റർ നിർമ്മാണം, ഡോക്യുമെന്ററി പ്രദർശനം, പരിസ്ഥിതി ബോധവൽക്കണം , സൈക്കിൾ റാലി, പരിസ്ഥിതി കവിതാലാപനം, പ്രതിജ്ഞ, ചിത്ര പ്രദർശനം, പൂന്തോട്ട നിർമ്മാണം, ക്ലീൻ കാമ്പസ്, ഗ്രീൻ കാമ്പസ് തുടങ്ങിയ ഒട്ടേറെ വൈവിധ്യങ്ങളായ പരിപാടികൾ ഇതിന്റെ ഭാഗമായി സംഘടിപ്പിക്കുകയാണ്. സ്കൂൾ ഹെഡ് മാസ്റ്റർ ഇ. സുരേഷ് ബാബു അധ്യക്ഷത വഹിച്ചു. കെ.വി അൽതാസ്, എം സാലിഹ്, കെ.കെ. ജിഷ, നിഷ, അരുൺ എൻ.ആർ, അനൂപ് തുടങ്ങിയവർ സംസാരിച്ചു.