ഇലക്‌ട്രിക് വാഹനങ്ങൾക്കു വേണ്ട ചാർജ്ജിങ് സ്റ്റേഷനുകൾ സ്ഥാപിക്കാൻ കെ.എസ്.ഇ.ബി. ലക്ഷ്യമിടുന്നു
തിരുവനന്തപുരം>: സംസ്ഥാനത്ത് എല്ലാ ജില്ലകളിലുമായി 250-ഓളം വാഹന ചാർജ്ജിംഗ് സ്റ്റേഷനുകൾ ഉൾപ്പെടുന്ന ചാർജ്ജിംഗ് ശൃംഖല സ്ഥാപിക്കാൻ കെ.എസ്.ഇ.ബി. ലക്ഷ്യമിടുന്നു. സംസ്ഥാനത്തുടനീളം ഇലക്‌ട്രിക് വാഹനങ്ങൾക്കു വേണ്ട ചാർജ്ജിങ് സ്റ്റേഷനുകൾ സ്ഥാപിക്കാനുള്ള നോഡൽ ഏജൻസി യായി കേരള സർക്കാർ, കെ.എസ്.ഇ.ബി.എൽ- നെ തിരഞ്ഞെടുത്തിട്ടുണ്ട്.
കേന്ദ്ര-സംസ്ഥാന സർക്കാരുകളുടെ മാർഗ്ഗ രേഖകൾക്ക നുസൃതമായി സർക്കാർ ധനസഹായത്തോടെയാണ് ഈ പദ്ധതി നടപ്പിലാക്കുന്നത്. കെ.എസ്.ഇ.ബി.എൽ ൻ്റെ സ്വന്തം സ്ഥലത്തും, സർക്കാരിൻ്റേയോ, അർദ്ധ സർക്കാർ സ്ഥാപനങ്ങളുടേയോ, സ്വകാര്യ ഏജൻസികളുടേയോ ഉടമസ്ഥതയിലുള്ള സ്ഥലങ്ങളിലും ഇത്തരം ചാര്ജ്ജിംഗ് സ്റ്റേഷനുകള് സ്ഥാപിക്കുന്നതാണ്.
ഇതിൻ്റെ ആദ്യഘട്ടമായി 6 ജില്ലകളില് കെ.എസ്.ഇ.ബി.എൽ ൻ്റെ സ്വന്തം സ്ഥലത്ത് ഇത്തരം സ്റ്റേഷനുകള് സ്ഥാപിക്കുന്ന ജോലി നടന്നു വരുന്നു. ഇതില് ആദ്യത്തേത് തിരുവനന്തപുരം-നേമം ഇലക്‌ട്രിക്കല് സെക്ഷന് ഓഫീസ് പരിസരത്ത് പൂര്ത്തിയായി. 80 കിലോവാട്ട് സ്ഥാപിതശേഷിയുള്ള ഈ സ്റ്റേഷനില് ഒരേ സമയം 3 കാറുകള് ചാര്ജ്ജ് ചെയ്യാവുന്ന സംവിധാനമുണ്ട്.
കൊല്ലം, എറണാകുളം, തൃശ്ശൂർ, കോഴിക്കോട്, കണ്ണൂർ എന്നീ ജില്ലകളിലാണ് ആദ്യഘട്ടത്തില് ഇത്തരം സ്റ്റേഷനുകള് പൂര്ത്തീകരിക്കാനുള്ള പ്രവൃത്തികള് പുരോഗമിക്കുന്നത്. തുടര്ന്ന് 56 സ്റ്റേഷനുകള് സ്ഥാപിക്കാനുള്ള ദർഘാസുകളും ക്ഷണിച്ചിട്ടുണ്ട്.
