ആര്‍.എസ്.എസ് നേതാവിനെതിരെ കേസെടുക്കണമെന്ന് കോടിയേരി
തിരുവനന്തപുരം: മുഖ്യമന്ത്രി പിണറായി വിജയനെതിരെ വധഭീഷണി മുഴക്കിയ ആര്‍.എസ്.എസ് നേതാവിനെതിരെ കേസെടുക്കണമെന്ന് സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണന്‍. കേരള പൊലീസിനു തന്നെ കേസ് രജിസ്റ്റര്‍ ചെയ്യാമെന്നും യു.എ.പി.എ ചുമത്തുന്നതിനെകുറിച്ച്‌ പരിശോധിക്കണെമന്നും അദ്ദേഹം വാര്‍ത്താസമ്മേളനത്തില്‍ അറിയിച്ചു.
കേരള ബജറ്റിന്‍റ രഹസ്യസ്വഭാവം ചോര്‍ന്നിട്ടില്ല. സംഭവിച്ചത് സ്റ്റാഫിെന്‍റ ഭാഗത്തു നിന്നുണ്ടായ അമിതാവേശം മാത്രമാണ്. മാധ്യമങ്ങള്‍ക്കായി തയാറാക്കിയ റിപ്പോര്‍ട്ടാണ് പുറത്ത് വന്നതെന്നും കോടിയേരി പറഞ്ഞു. സംഭവത്തിെന്‍റ ഉത്തരവാദികള്‍ക്കെതിരെ ഇന്നലെ തന്നെ നടപടി എടുത്തു. ബജറ്റ് വീണ്ടും അവതരിപ്പിക്കാന്‍ ഉദ്ദേശിക്കുന്നില്ലെന്നും അദ്ദേഹം പറഞ്ഞു.
സര്‍ക്കാറിനെ അസ്ഥിരെപ്പടുത്താനാണ് കോണ്‍ഗ്രസിെന്‍റയും ബി.ജെ.പിയുടെയും ശ്രമമെന്നും അദ്ദേഹം കൂട്ടിച്ചേര്‍ത്തു.
കേരള സി.പി.എമ്മിെന്‍റ ചരിത്രം തയാറാക്കണെമന്ന് ആലപ്പുഴയില്‍ ചേര്‍ന്ന സി.പി.എം സംസ്ഥാന സമ്മേളനം തീരുമാനിച്ചിരുന്നു. ജനപങ്കാളിത്തത്തോടു കൂടിയുള്ള ചരിത്രരചന നടത്താനാണ് തീരുമാനം. അതിെന്‍റ നടപടികള്‍ തുടങ്ങിക്കഴിഞ്ഞു. പ്രാദേശിക തലത്തിലെ ചരിത്രങ്ങള്‍ പോലും പുറത്തു കൊണ്ടുവരുന്ന തരത്തിലായിരിക്കും ചരിത്രരചന. 2017 നവംബര്‍ ഏഴിന് ആദ്യ വോള്യം പുറത്തിറങ്ങുന്ന തരത്തില്‍ അഞ്ച് വോള്യങ്ങളായാണ് ചരിത്രരചനക്ക് തുടക്കം കുറിക്കുന്നതെന്നും അദ്ദേഹം കൂട്ടിച്ചേര്‍ത്തു.
