അരിക്കുളത്ത് 200 ലിറ്റർ വാഷും, 5 ലിറ്റർ ചാരായവും പിടികുടി
കൊയിലാണ്ടി: കൊയിലാണ്ടി എക്സൈസ് ഓണം സ്പെഷ്യൽ ഡ്രൈവിൻ്റെ ഭാഗമായി നടത്തിയ റെയ്ഡിൽ വാഷും ചാരായവും പിടികൂടി. അരിക്കുളം ആവട്ടോട്ട് താഴെ വയലിലെ കുറ്റിക്കാടുകൾക്കിടയിൽ വെള്ളത്തിൽ താഴ്ത്തിവെച്ച നിലയിൽ 20 ലിറ്റർ വീതം കൊള്ളുന്ന 10 പ്ലാസ്റ്റിക് കന്നാസിൽ സൂക്ഷിച്ച 5 ലിറ്റർ ചാരായവുമാണ് കണ്ടെടുത്തത്.
കൊയിലാണ്ടി റെയിഞ്ച് ഇൻസ്പെക്ടർ ബി. അൻഷാദും പാർട്ടിയുമാണ് റെയ്ഡ് നടത്തിയത്. പ്രിവൻ്റീവ് ഓഫീസർ എൻ. രാജു, സിവിൽ എക്സൈസ് ഓഫീസർമാരായ അനീഷ് കുമാർ, പി. റഷീദ് എന്നിവർ പങ്കെടുത്തു. കേസ് രജിസ്റ്റർ ചെയ്തതായും, വാഷിൻ്റെയും, ചാരായത്തിൻ്റെയും ഉടമസ്ഥനെപ്പറ്റി വിവരം ലഭിച്ചതായും, എക്സൈസ് ഇൻസ്പെക്ടർ പറഞ്ഞു.
