വിദ്യാഭ്യാസ പഠനരേഖ തയ്യാറാക്കി
കൊയിലാണ്ടി : പന്തലായനി ബി.ആര്‍.സി. വില്ലേജ് വിദ്യാഭ്യാസ പഠനരേഖ (വി.ഇ.ആര്‍) തയ്യാറാക്കി. അത്തോളി, ചേമഞ്ചേരി, ചെങ്ങോട്ടുകാവ്, അരിക്കുളം, മൂടാടി പഞ്ചായത്തുകളിലും കൊയിലാണ്ടി നഗരസഭയിലും വിദ്യാഭ്യാസ അവസ്ഥയെ സമഗ്രമായി വിശകലനം ചെയ്താണ് പഠനരേഖ തയ്യാറാക്കിയത്. കെ.ദാസന്‍ എം.എല്‍.എ. ചേമഞ്ചേരി ഗ്രാമപഞ്ചായത്ത് പ്രസിഡണ്ട് അശോകന്‍ കോട്ടിന് നല്‍കി വി.ഇ.ആര്‍. പ്രകാശനം ചെയ്തു.
അത്തോളി ഗ്രാമപഞ്ചായത്ത് പ്രസിഡണ്ട് ചിറ്റീര്‍ രവീന്ദ്രന്‍, മൂടാടി ഗ്രാമപഞ്ചായത്ത് പ്രസിഡണ്ട് ഷീജ പട്ടേരി, വിവിധ പഞ്ചായത്തുകളിലെ സ്ഥിരംസമിതി ചെയര്‍മാന്‍മാരായ ഉണ്ണി തിയ്യക്കണ്ടി, വി. കെ. അജിത, കെ.ഗീതാനന്ദന്‍, കെ.ബീന, എ.ഇ.ഒ. പി.പി.സുധ, ബ്ലോക്ക്പഞ്ചായത്ത് സെക്രട്ടറി സി.മനോജ് കുമാര്‍, ബി.പി.ഒ. എം.ജി.ബല്‍രാജ്, പി.ശ്രീശന്‍ എന്നിവര്‍ സംസാരിച്ചു.
